پاکستان میں ٹی وی بنانے والے پہلے پلانٹ نے کام شروع کر دیا۔
تفصیلات کے مطابق معروف ملٹی نیشنل کمپنی سام سنگ الیکٹرونکس نے پاکستان کی ایک کمپنی کے ساتھ مل کر 50 ہزار ٹی وی سیٹس بنانے کا آغاز کر دیا ہے۔
سماجی رابطے کی ویب سائٹ ٹوئٹر پر ایک ٹویٹ میں مشیر تجارت عبدالرزاق داؤد نے خوش خبری دیتے ہوئے کہا کہ اگلے 2 سالوں میں کمپنی کی جانب سے ٹی وی سیٹس کی پیداوار کو 1 لاکھ تک لے جایا جائے گا۔
خیال رہے کہ جنوبی کورین کمپنی سام سنگ الیکٹرونکس نے مقامی کمپنی آر اینڈ آر کے ساتھ مقامی سطح پر ٹی وی سیٹس کی تیاری کے لیے اشتراک کیا ہے، جس کے لیے مل کر پاکستان کا پہلا پلانٹ کراچی میں قائم کیا۔