پاکستان میں موجود جہازوں کے مالکان کی تنظیم (ایئر کرافٹ اونرز اینڈ آپریٹرز ایسوسی ایشن) کی جانب سے اپنے تحفظات اور خدشات سے متعلق وزیر اعظم کے نام کھلا خط جاری کیا گیا ہے، جس میں درپیش مسائل پر نوٹس کا مطالبہ کیا گیا ہے۔
اے آر وائے نیوز کے مطابق اے او او اے نے وزیراعظم عمران خان کو کھلے خط کے ذریعے درپیش مسائل کا نوٹس لینے اور سپورٹ کرنے کی درخواست کی ہے۔
خط کے متن میں لکھا گیا ہے کہ اس وقت والٹن ہوائی اڈے کو صرف زمینی کلاسوں، طیاروں کی ڈیزائن مرمت اور مینیوفیکچرنگ کے لئے ٓاستعمال کیا جا رہا ہے۔
پی سی اے اے کی جانب سے دیگر ہوائی اڈوں پر اس وقت تک منظوری نہیں دی جا سکتی جب تک اسٹیک ہولڈرز کو ہینگرز کی سہولیات حاصل نہ ہوں۔
ایئر کرافٹ اونرز اینڈ آپریٹرز ایسوسی ایشن نے مزید کہا ہے کہ پی سی اے اے اس وقت کسی بھی ہوائی اڈے پر ہنگر فراہم کرنے کی پوزیشن میں نہیں ہے، اگر کوئی ہوائی جہاز منتقل کردیا جاتا ہے تو بھی وہ سب سی اے اے کی منظور شدہ دیکھ بھال کی سہولت کے ساتھ گراؤنڈ ہوجائیں گے۔