وزیراعظم عمران خان نے پاکستان سپر لیگ کے ساتویں سیزن سے متعلق پیغام جاری کردیا ہے۔
تفصیلات کے مطابق وزیراعظم عمران خان نے پی ایس ایل سیزن 7 کے شروع ہونے سے پہلے تمام ٹیموں کیلئے نیک خواہشات کا اظہار کیا ہے۔
مائیکروبلاگنگ ویب سائٹ ٹویٹر پر جاری ایک ویڈیو میں وزیراعظم عمران خان نے چیئرمین پاکستان کرکٹ بورڈ رمیز راجہ کے ہمراہ پی ایس ایل سیزن 7 کا باقاعدہ افتتاح کرتے ہوئے اپنے پیغام میں کہا کہ امید ہے تمام پی ایس ایل ٹیمیں اچھا کھیل پیش کریں گی اور ہر ٹیم آخری گیند تک لڑیں گی اور عوام کو بہترین تفریح فراہم کرے گی۔
یادرہے کہ پی ایس ایل 7 کا باقاعدہ آغاز 27 جنوری سے کراچی سےہورہا ہے، جو 7 جنوری تک جاری رہے گا جبکہ دوسرا مرحلہ 10 سے27 فروری تک لاہور میں کھیلا جائے گا۔
