سکندر سلطان راجہ نے نوٹس لیتے ہوئے سخت ناراضگی کا اظہار کیا اور فوری طور پر احکامات دیتے ہوئے ترجمان الیکشن کمیشن کو عہدے سے ہٹا دیا گیا ہے۔
تفصیلات کے مطابق چیف الیکشن کمشنر آف پاکستان نے سکندر سلطان راجہ نے ترجمان الیکشن کمیشن ہارون شنواری کو ان کے عہدے سے ہٹاتے ہوئے سٹیبلشمنٹ ونگ رپورٹ کرنے کی ہدایت کر دی ہے۔ ترجمان الیکشن کمیشن نے صوبائی اسمبلیاں تحلیل ہونے پر ضمنی انتخابات کرانے کا متنازع بیان دیا تھا جسے الیکشن کمیشن آف پاکستان کی منطوری کے بغیر جاری کیا گیا تھا۔
جس پر سکندر سلطان راجہ نے نوٹس لیتے ہوئے سخت ناراضگی کا اظہار کیا اور فوری طور پر احکامات دیتے ہوئے ترجمان الیکشن کمیشن کو عہدے سے ہٹا دیا گیا ہے۔
یاد رہے کہ سابق وزیراعظم وچیئرمین پاکستان تحریک انصاف نے حقیقی آزادی مارچ کے دوران تمام اسمبلیوں سے باہر آنے کا اعلان کیا تھا اور ان کی پارٹی پاکستان تحریک انصاف کی طرف سے کے پی کے اور پنجاب اسمبلی تحلیل کرنے کی توثیق بھی کر دی گئی ہے جس کا اعلان سابق وفاقی وزیر فواد احمد چودھری نے سماجی رابطوں کی ویب سائٹ ٹویٹر پر کیا تھا اور کہا تھا کہ بلوچستان اور سندھ سے ہمارے پارٹی ممبران اپنے استعفے جمع کرائیں گے۔
دریں اثنا فواد احمد چودھری نے ترجمان الیکشن کمیشن ہارون شنواری کی طرف سے اسمبلیوں کی تحلیل سے متعلق متنازعہ بیان پر سٹیبلشمنٹ ونگ رپورٹ کرنے کی ہدایت دینے کا خیر مقدم کرتے ہوئے لکھا کہ: سیاسی بیان جاری کرنا ترجمان الیکشن کمیشن کا کام نہیں تھا، یہ درست سمت میں ایک قدم ہے!
