معروف مذہبی اسکالر مولانا فضل الرحمان نے سربراہ جے یو آئی (ف) مولانا فضل الرحمان کے تحریک انصاف کی خواتین کارکنان سے متعلق استعمال کی گئی نازیبا زبان پر کی مذمت کی اور ان کے رویے پر تنقید کی ہے۔
تفصیلات کے مطابق مولانا طارق جمیل نے ایک ٹوئٹ کیا جس میں سربراہ جے یو آئی ف مولانا فضل الرحمان پر تنقید کرتے ہوئے کہا کہ ایک عالم دین کے لیے (جو علماء اور لوگوں کا مقتدی بھی ہو ) اسلامی اور شرعی تعلیمات کے منافی الفاظ کا استعمال بہت ہی نا مناسب ہے، خاص طور پر عوامی اجتماعات میں اسکی رعایت رکھنی چاہیے۔
دوسری جانب مسلم لیگ ضیاء کے سربراہ اعجازالحق نے بھی مولانا فضل الرحمان کی شدید مذمت کی ہے، اعجاز الحق نے کہا کہ مولانا فضل الرحمان نے انتہائی بیہودہ زبان استعمال کی ہے جس کی میں مذمت کرتا ہوں۔
یاد رہے کہ سربراجے یو آئی ف کے سربراہ نے ایک عوامی جلسے میں پی ٹی آئی سے منسلک خواتین کارکنان سے متعلق انتہائی نازیبا خیالات کا اظہار کرتے ہوئے اخلاق سے گرے ہوئے الفاظ استعمال کیے تھے۔
مذکورہ جلسے میں مولانا کی جانب سے استعمال کیے گئے الفاظ پر مذہبی، سیاسی، صحافتی اور تقریباً تمام شعبہ ہائے زندگی سے تعلق رکھنے والے افراد نے تنقید کی اور مولانا کے الفاظ کو غلط کہا۔