log jo ji chahe ker len woh khudaa ko haraa nahin sakte. khudaa ne ye kaainaat hamaare maqaasid ko poora kerne ke liye nahin balkeh apna maqsad poora kerne ke liye banayee hai. bas insaanu ko itni baat samajhne ki zaroorat hai. jab tak log itni baat ko nahin samjhen ge, kaam aise hi chalta rahe ga jaise chal rahaa hai.
albatta agar samajh jaayen ge to phir sab ko mil ker apni madad aap ke teht khudaa ke diye ge naqshe ke mutaabiq apna aik behtareen insaani maashra banaana ho ga jisse khudaa ka maqsad poora ho jaaye ga aur insaanu ka bhi. is liye dono khush hun ge aik doosre se aur aik doosre ko shabaashi den ge. warna khudaa aur insaanu ke darmiyaan kheencha taani jaari rahe ge magar jeet fil aakhir khudaa hi ki ho gi keh insaanu ko fil aakhir khudaa hi ke program main apni nijaat nazar aaye gi apne her tarah ke haraami pan ko aazmaane ke baad. For better understanding of deen of islam from the quran see
HERE,
HERE and
HERE.
khudaa ne issi liye kuchh baatun ko darakhtun se tashbeeh di hai. maslan enlightenment aik drakht hai yaani burning bush. sooraj ko chiraagh issi liye kahaa hai keh woh is duniya main roshni phelaata hai magar paighamber ko bhi roshan chiraagh hi kahaa gayaa hai kyunkeh woh khudaa ki wahee ki roshni phelaata hai.
quraan main aap dekhen ge shajre taiyebah ka ziker hai aur shajre khabeesah ka bhi. drakht se tashbeeh is liye di gayee hai keh kuchh cheezen apne apne waqt per insaanu ke saamnbe aayen gi ya insaanu pe khulti jayen gi. lihaaza agar insaan burayee ke drakht lagaayen ge to phal bhi bura hi mile ga aur agar achayee ke drakht ugaayen ge to phal bhi aisa hi mile ga. lihaaza is dor ke logoon ko quraan ko theek tarah se samajhne ki koshish main lag jaana chahiye ta keh is andheri raat ka sawera ho sake.