ٹوئٹر پر اب ویڈیو اور آڈیو کال کی بھی سہولت ہو گی، ٹوئٹر کے بانی ایلون مسک نے صارفین کے لیے آڈیو اور ویڈیو کی سہولیات فراہم کردیں، اسکے لیے فون نمبر کی بجائے ٹوئٹر آئی ڈی سے ڈائریکٹ کال ہو سکے گی۔
ایلون مسک نے سماجی رابطہ کی ویب سائٹ پر ایکس ( ٹوئٹر) پر ٹوئٹ کرتے ہوئے صارفین کیلئے بڑی سہولیات کا اعلان کیا ہے۔ ایلون مسک کا کہنا ہےکہ ایکس پر اب صارفین آڈیو اور ویڈیو کال کر سکیں گے۔ یہ سہولت تمام اینڈرائڈ، آئی فون، کمپوٹر اور میک بک صارفین کیلئے مہنا ہو گی۔
ایلون مسک نے کا کہنا ہےکہ صارفین کو کال کرنے کیلئے کسی موبائل نمبر کی ضرورت نہیں ہو گی، عالمی ایڈریس بک ہے، یہ تمام سہولیات ایکس کو باقی سماجی رابطوں کی ویب سائٹ سے الگ بناتی ہے۔
دوسری جانب ایلون مسک کیخلاف کیلیفورنیا کے ایک وفاقی جج نے اس مقدمے کو خارج کرنے سے انکار کر دیا ہے جس میں الزام عائد کیا گیا تھا کہ گزشتہ سال کمپنی خریدنے کے وقت ایلون نے عمر رسیدہ کارکنوں کو ملازمتوں سے نکال دیا تھا۔
امریکی ڈسٹرکٹ جج سوزن ایلسٹن نے کہا تھا مجوزہ کلاس ایکشن کے مدعی جان زیمن نے کافی ثبوت فراہم کیے ہیں کہ بڑے پیمانے پر برطرفیوں کا عمر رسیدہ ملازمین پر زیادہ اثر پڑا ہے۔
زیمان نے دعویٰ کیا کہ ایکس نے 50 سال یا اس سے زیادہ عمر کے 60 فیصد ملازمین اور 60 سال سے زائد عمر کے تقریبا تین چوتھائی ملازمین کو فارغ کیا جبکہ 50 سال سے کم عمر کے 54 فیصد ملازمین کو فارغ کیا گیا۔