آئی سی سی ورلڈ کپ 2023 کے فائنل میں آسٹریلیا سے شکست کا سامنا کرنے والی بھارتی ٹیم کے کھلاڑی آبدیدہ ہوگئے۔
تفصیلات کے مطابق آج آئی سی سی مینز ورلڈ 2023 کا فائنل آسٹریلیا اور بھارت کی ٹیموں کے مابین کھیلا گیا جس میں آسٹریلیا نے شاندار کارکردگی کا مظاہرہ کرتے ہوئے ٹائٹل جیت لیا ہے۔
پورے ایونٹ میں ناقابل شکست رہنے والی بھارتی ٹیم فائنل میں شکست سے دوچار ہونے کے بعد شدید افسردہ ہوگئی اور میچ کے اختتام پر متعدد بھارتی کھلاڑی بھی روتے ہوئے دکھائی دیئے۔
سوشل میڈیا پر وائرل ہونے والی ویڈیوز میں بھارتی ٹیم کے کھلاڑیوں کو شکست کی تکلیف سے سنبھلنے کی کوشش کرتے دیکھا جاسکتا ہے۔
بھارتی کرکٹ ٹیم کے کپتان روہت شرما کی آنکھیں بھی بھیگی ہوئی دکھائی دیں تو وہیں محمد سراج روتے ہوئے نظر آئے، ٹیم کے باقی کھلاڑی بھی اس گھڑی میں شدید غمزدہ دکھائی دیئے۔
خیال رہے کہ آئی سی سی ورلڈ کپ 2023 میں ناقابل شکست رہنے والی بھارتی کرکٹ ٹیم نے فائنل میں آسٹریلیا کو جیت کیلئے 230 رنز کا ہدف دیا تھا جسے آسٹریلیا نے 6 وکٹوں کے نقصان پر پورا کرکے ٹائٹل اپنے نام کرلیا ہے۔