وزیرآباد کے سرکاری اسپتال میں سویپر ڈاکٹر بن کر مریضوں کا علاج کرنے لگ گیا ہے، ویڈیو سامنے آگئی۔
تفصیلات کے مطابق سوشل میڈیا پر ایک ویڈیو منظر عام پر آئی ہےجس میں ایک سویپر کو مریضوں کا علاج کرتے ہوئے دیکھا جاسکتا ہے۔
ویڈیو میں مذکورہ شخص کو خواتین مریضوں کو ادویات لکھتے اور مریضوں کو انجکشنز لگاتے ہوئے بھی دیکھاجاسکتا ہے۔
ویڈیو کے ساتھ سامنے آنے والی معلومات کے مطابق یہ ویڈیو وزیرآباد کے سول اسپتال کی ہے جہاں مریضوں کا علاج کرنے والا یہ شخص کوئی ڈاکٹر نہیں بلکہ اسپتال کا ایک سویپر ہے۔
صحافی محمد عمیر کے مطابق مریضوں کا اعلان کرنے والے اس شخص کا نام عبدالستار ہے اور یہ اسپتال میں بطور سویپر تعینات ہے۔
واضح رہے کہ کچھ سال قبل ڈی ایچ کیو ہسپتال منڈی بہاؤالدین میں بھی سینیٹری اسٹاف کے سوئیپر کی مریضوں کا علاج کرنیکی ویڈیو سامنے آئی تھی جس میں وہ مریض کو ڈرپ لگارہا تھا۔
اسی طرح 2021 میں میو ہسپتال میں بھی ایک ایسا واقعہ سامنے آیا جس میں ہسپتال کے سکیورٹی گارڈ نے 80 سالہ مریضہ کا آپریشن کر دیا تھا۔ خون نہ رکنے کی وجہ سے گھر جا کے پیٹاں بھی کرتا رہا تھا۔