=======================================
======================================= عمران خان مسائل کا حل بتاتے رہے : افسوس قوم نے کان نہیں دھرا
(1) تین سال پہلے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال ۔ پاکستان کا بنیادی مسئلہ کیا ہے ؟
جواب ۔ دیکھیں جی ، جب تک پرویز مشرف اس ملک پر مسلط ہے ، کوئی مسئلہ بھی حل نہیں ہوسکتا۔
سوال ۔ آپ نے الیکشن میں حصہ کیوں نہیں لیا؟
جواب ۔ میں جانتا تھا کہ پرویزمشرف فری اور فیئر الیکشن کروا ہی نہیں سکتا- اس لیئے حصہ لینا فضول تھا -
سوال ۔ ملک میں بجلی کے بحران کی وجوہات کیا ہیں؟
جواب ۔ پرویز مشرف نے ملک میں ڈیم نہیں بنائے۔
سوال ۔ ہماری تعلیمی پسماندگی کی کیا وجوہات ہیں؟
جواب ۔ دراصل کسی ملک پر اگر فوجی حکمران قبضہ کرلے تو کسی بھی شعبے میں ترقی نہیں ہو سکتی ۔
اسی لیئے میں کہتا ہوں کہ پرویز مشرف سے جان چھڑانا ضروری ہی ۔
سوال ۔ اقتصادی بدحالی کے کیا اسباب ہیں؟
جواب ۔ دیکھیں جناب، جس ملک میں فوج اقتدار پر قبضہ کر لے وہاں کوئی انویسٹمنٹ نہیں کرتا ۔ جب تک
پرویز مشرف موجود ہے، کوئی شخص سرمایہ کاری کرنے کے لیئے تیار نہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمبر ایک کے بعد (2)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال ۔ پاکستان کا بنیادی مسئلہ کیا ہے ؟
جواب ۔ ہر معاشرے کا بنیادی مسئلہ انصاف ہوتا ہے ۔
کوئی معاشرہ ظلم کے ساتھ تو چل سکتا ہے لیکن ناانصافی کے ساتھ نہیں چل سکتا ۔ اس لیئے میں افتخار چوہدری کی بحالی کا مطالبہ کرتا ہوں ۔
سوال ۔ آپ نے الیکشن میں حصہ کیوں نہیں لیا؟
جواب ۔ جب تک افتخار چوہدری بحال نہیں ہو جاتا ہر الیکشن فراڈ ہو گا ۔
سوال ۔ ملک میں بجلی کے بحران کی وجوہات کیا ہیں؟
جواب ۔ جس ملک میں انصاف ہی نہ ہو وہاں بجلی کیسے آسکتی ہے ؟ افتخار چوہدری آج بحال ہو ، آج واپڈا اور کے ای ایس سی کے معاملات سیدھے ہو جائیں گے ۔
سوال ۔ ہماری تعلیمی پسماندگی کی کیا وجوہات ہیں؟
جس ملک کی عدالتیں آزاد نہ ہو وہاں سارا بجٹ فوج کھا جاتی ہے ۔ افتخار چوہدری نے ایک فوجی آمر کے سامنے استعفی دینے سے انکار کر دیا تھا ۔ وہ بحال ہو گا تو بجٹ بھی متوازن بنانا پڑے گا ۔
اقتصادی بدحالی کے کیا اسباب ہیں؟
جناب، فارن انویسٹر کو پتہ ہو کہ حکومت کے ساتھ اختلاف ہونے کی صورت میں عدالتوں نے حکومت کی مرضی کے فیصلے کرنے ہیں تو اپنا پیسہ کیوں لگائیں گے ۔ افتخار چوہدری کے بحال ہونے سے ان کا اعتماد بھی بحال ہو گا اور وہ دل کھول کر انویسٹمینٹ کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمبر دو کے بعد (3)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال ۔ پاکستان کا بنیادی مسئلہ کیا ہے ؟
جواب ۔ اس ملک کا سب سے بڑا مسئلہ این آر او ہے ۔ زرداری کو چاہیئے تھا کہ اپنے آپ کو عدالتوں سے کلیئرکرواتا ۔ کیا سارے قانون صرف چھوٹے لوگوں کے لیئے ہیں؟
سوال ۔ آپ نے الیکشن میں حصہ کیوں نہیں لیا؟
جواب ۔ جس الیشکن میں این آر او کے سے فائدہ اٹھانے والے حصہ لے رہے ہوں، ان میں حصہ لینا جائز نہیں سمجھتا۔
سوال ۔ ملک میں بجلی کے بحران کی وجوہات کیا ہیں؟
جواب ۔ پیپلز پارٹی کی پچھلی حکومت میں بجلی پیدا کرنے کے نام پر جو کرپشن ہوئی اس کی مثال نہیں ملتی۔ اور عوام کو بجلی جیسی بنیادی ضرورت سے محروم کرنے والے این آراو کے تحت پھر اس ملک پر مسلط ہو گئے۔
سوال ۔ ہماری تعلیمی پسماندگی کی کیا وجوہات ہیں؟
جواب ۔ آج آپ ملک سے این آراو کو ختم کریں اور آج ہی سے مثبت نتائج دیکھنے شروع کر دیں ۔ میں بار بار اس قوم کو کہتا ہوں کہ این آراو سیاہ قانون ہے ۔ اس کے نیچے علم کی روشنی نہیں پھیل سکتی ۔
سوال ۔ اقتصادی بدحالی کے کیا اسباب ہیں؟
جواب ۔ ملک کا سارا خزانہ لوٹ کر باہر لے گئے۔ لندن میں ، امریکہ میں اور سوئٹزرلینڈ کے بینکوں میں ۔ پیچھے اقتصادی بدحالی چھوڑ گئے۔ دکھ کی بات تو یہ ہے کہ این آراو کے تحت ڈیلیں کرکے پھر اس ملک کے خزانے لوٹنے کے لیئے آگئے۔
................................................................................................................................................
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمبر تین کے بعد (4)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال ۔ پاکستان کا بنیادی مسئلہ کیا ہے ؟
جواب ۔ ہمارا بنیادی مسئلہ امریکہ کی غلامی سے نجات حاصل کرنا ہے ۔
سوال ۔ آپ نے الیکشن میں حصہ کیوں نہیں لیا؟
جواب ۔ صرف ایک سیٹ جیت کر امریکہ کی غلامی سے نجات حاصل نہیں ہو سکتی، اس کے لیئے کم از کم دو تہائی اکثریت کی ضرورت ہے اور میں مناسب موقع کے انتظار میں ہوں ۔
سوال ۔ ملک میں بجلی کے بحران کی وجوہات کیا ہیں؟
جواب ۔ جب آپ امریکہ کی غلامی کریں گے تو وہ آپ کو صرف فوجی امداد دے گا اور پھر آپ کو اس امداد کا بڑا حصہ امریکہ سے ہی اسلحے کی خریداری پر صرف کرنا پڑے گا - جب تک آپ امریکہ کے غلام ہیں، آپ اندھیروں سے نہیں نکل سکتے۔
سوال ۔ ہماری تعلیمی پسماندگی کی کیا وجوہات ہیں؟
جواب ۔ یہ بہت بڑی سازش ہے جو امریکہ نے تیار کی ہے اور اس میں اسرائیل اور ہندوستان اس کی مدد کر رہے ہیں ۔ ہمارے یہ تینوں دشمن نہیں چاہتے کہ یہاں علم کا نور پھیلے۔ کیونکہ ان کا مفاد اسی میں ہے کہ ہم جاہل رہ کر امریکہ کی غلامی میں جکڑے رہیں ۔
سوال ۔ اقتصادی بدحالی کے کیا اسباب ہیں؟
جواب ۔ پاکستان بننے کے فورا بعد لیاقت علی خان کو دو ملکوں کی طرف سے دورہ کرنے کی پیشکشیں ہوئ تھیں ۔ روس اور امریکہ ۔ قائد ِ اعظم کے دست ِ راست اور ملک کے پہلے وزیر ِ اعظم نے روس کی دعوت کو پائےحقارت سے ٹھکراتے ہوئے امریکہ کی پیشکش قبول کر لی۔ وہ دن اور آج کا دن، ہم امریکی غلامی سے نجات حاصل نہیں کر سکے -
--------------------------
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال ۔ پاکستان کا بنیادی مسئلہ کیا ہے ؟
جواب ۔ اگر آپ گہرائی میں جا کر سوچیں تو اس وقت آپ کو سب سے بڑا مسئلہ کیری لوگر بل کی صورت میں نظر آئے گا ۔ اس بل میں ملک کی خود مختاری کا سودا کیا گیا ہے ۔ امریکہ کو پاکستان کے ایٹمی اثاثوسوں تک رسائی مل جائے گی ۔ اس کے بعد فوج میں تمام ترقیاں امریکہ کی منظوری سے ہوں گی ۔ اس سے بڑا مسئلہ اور کون سا ہو سکتا ہے جس میں ملک کی ساورینٹی پر کمپرومائز کیا گیا ہے۔
نمبر چار کے بعد (5)
سوال ۔ آپ نے الیکشن میں حصہ کیوں نہیں لیا؟
جواب ۔ میری سیاسی بصیرت مجھے بتا رہی تھی کہ یہ حکومت کسی نہ کسی طریقے سے کیری لوگر بل کو منظور کر لے گی اور یہ بھونڈے طریقے سے اسے پارلیمینٹ میں بھی لے آئے گی ۔ میں کیری لوگر بل کے خلاف احتجاجا اس پارلیمینٹ کا حصہ بننے کے لیئے تیار نہیں تھا ۔
سوال ۔ ملک میں بجلی کے بحران کی وجوہات کیا ہیں؟
جواب ۔ میں تو مسلسل یہ شور مچاتا رہا کہ جناب کیری لوگر بل کے اندر فوجی افسروں کی پروموشنز پر امریکہ کی نگرانی والی شق کو ختم کیا جائے اور اس کی بجائے حکومت پاکستان پر کالاباغ ڈیم بنانے کی پابندی لگائی جائے ۔ اس طریقے سے بجلی کے بحران پر قابو پایا جا سکتا تھا۔
سوال ۔ ہماری تعلیمی پسماندگی کی کیا وجوہات ہیں؟
جواب ۔ میں اپنے ایک انٹرویو میں اس سوال کا جواب دے چکا ہوں کہ جناب ہماری قوم کو جاہل رکھنے کی خاطر امریکہ ، اسرائیل اور ہندوستان نے بہت بڑی سازش تیار کی تھی ۔ اب اس کا ثبوت کیری لوگر بل میں مل گیا ہے ۔ آپ بل کو اٹھا کر دیکھ لیں ۔ پاکستان کو ہر سال ڈیڑھ ارب ڈالر ملیں گے، ڈیڑھ ارب ڈالر ۔ میں چیلنج کرتا ہوں کہ اس رقم میں سے ایک سینٹ بھی تعلیمی پسماندگی کو دور کرنے کے لیئے نہیں دیا گیا ۔
سوال ۔ اقتصادی بدحالی کے کیا اسباب ہیں؟
جواب ۔ اقتصادی بدحالی کی سب سے بڑی وجہ وہ قرضے اور امداد ہے جو پچھلے ساٹھ سال میں ہم نے امریکہ سے حاصل کیئے۔ اب کیری لوگر بل امریکہ کے ہاوس آف ریپریزینٹیٹوز سے پاس ہوگیا ۔ ظلم یہ کہ بغیر کسی ترمیم کے امریکی سینٹ نے بھی منظور کر لیا ۔ اور جناب اب تو اس پر باراک اوبامہ کے دستخط ہو چکے ہیں ۔ اب یہ امریکہ کا قانون بن چکا ہے ۔ ڈیڑھ ارب ڈالر پاکستان کو دہشت گردی کے خاتمے کے لیئے دیئے جایئں گے حالانکہ یہ اقتصادی بدحالی دور کرنے کے لیئے ملنے چاہیئں تھے ۔
----------------------------------------------------------------------------------------------------------
نمبر پانچ کے بعد - (6)
-----------------------------
سوال ۔ پاکستان کا بنیادی مسئلہ کیا ہے ؟
جواب - مڈٹرم الیکشن اس ملک کا بنیادی مسئلہ ہے - جب تک مڈٹرم الیکشن نہیں ہو جاتے ، میں چیلنج کرتا ہوں کہ اس ملک کے مسئلے حل نہیں ہو سکتے -
سوال ۔ آپ نے الیکشن میں حصہ کیوں نہیں لیا؟
جواب - میری سیاسی بصیرت مجھے بتا رہی تھی الیکشنز کے نتیجے میں جو حکومت بھی معرض وجود میں آئے گی وہ اپنی آئینی مدت پوری نہیں کرسکے گی اور مڈ ٹرم الیکشن ہو کے رہیں گے تو تحریک انصاف کے چیئرمین کے طور پر میں نے فیصلہ کیا کہ ہم آنے والے مڈ ٹرم م الیکشن میں ہی حصہ لیں گے -
سوال ۔ ملک میں بجلی کے بحران کی وجوہات کیا ہیں؟
جواب - اڑھائی سال ہونے کو آرہے ہیں اور ابھی تک حکومت مڈ ٹرم الیکشن کے لیئے آمادہ نہیں ہو رہی - ڈیڑھ سال پہلے اگر مڈ ٹرم الیکشن ہو جاتے تو قوم کو ایسے لیڈر ضرور مل جاتے جو اب تک بجلی کے بحران پر قابو پا چکے ہوتے -
سوال ۔ ہماری تعلیمی پسماندگی کی کیا وجوہات ہیں؟
جواب - تعلیمی پسماندگی کی بنیادی وجہ نا اہل قیادت ہے - جن لوگوں نے باہر کی کسی یونیورسٹی کا منہ تک نہیں دیکھا ، انہیں کیا معلوم کہ تعلیمی پسماندگی کیا ہوتی ہے ؟ اسی لیئے تو میں مڈٹرم الیکشن کا مطالبہ کرتا ہوں تاکہ قوم کو پڑھے لکھے لوگ منتخب کرنے کا ایک اور موقع مل سکے -
سوال ۔ اقتصادی بدحالی کے کیا اسباب ہیں؟
جواب - ملک کی اقتصادی بد حالی دور کرنے کے لیئے تحریک انصاف نے اپنا ہوم ورک مکمل کر کے رکھا ہو ہے - میری بیرون ملک مقیم پاکستانیوں سے بات ہو چکی ہے - انہوں نے زر مبادلہ کی ترسیل میں تین گنا اضافہ کرنے کا وعدہ کر رکھا ہے - ورڈ بینک ، آئی ایم ایف اور ایشیین ڈیویلپمینٹ سے بھی میرے مذاکرات مکمل ہو چکے ہیں ، مڈ ٹرم الیکشنز کا انعقاد ہوتے ہی وہ سب اپنے وعدوں پر عمل کا آغاز کر دیں گے اور اگلے مڈٹرم الیکشنز سے پہلے ملک کی اقتصادی صورت حال بہت بہتر ہو چکی ہو گی -
---------------------------- ( نمبر سات کا انتظار کیجیئے) -- ---------------------------
