حیدرآباد میں بجلی بل کی ادائیگی کے باوجود نوجوان کی بلا جواز گرفتاری کے صدمے میں بوڑھا باپ زندگی کی بازی ہار گیا۔
حیدراباد سے اے آر وائی نیوز کے نمائندے ناصر حسن خان کی رپورٹ کے مطابق حیدرآباد الیکٹرک سپلائی کمپنی (حیسکو) کے غیر ذمے دارانہ عمل کی وجہ سے ایک اور ہنستا بستا گھر اجڑ گیا۔
حیسکو عملے ادائیگیوں اور گرفتاریوں کی مہم کے سلسلے میں لیبر کالونی میں بلوں کی مسلسل ادائیگی کے باوجود نوجوان دانش کو پولیس کے ہاتھوں گرفتار کرا دیا۔
نوجوان کا ضعیف العمر باپ محمد عبدالمجید یہ صدمہ نہ جھیل سکا۔ یوں حیسکو کے غیر ذمے دارانہ عمل نے اس کی جان لے لی اور ایک ہنستا بستا گھر اجڑ گیا۔
اس حوالے سے ذرائع نے بتایا کہ حیسکو نے سائٹ تھانے میں لیبر کالونی کے رہائشی دانش سمیت 6 افراد کے خلاف مقدمہ درج کرایا تھا۔ سائٹ پولیس نے 22 اپریل 2024 کو مقدمہ درج کرنے کے بعد ایک لاکھ 20 ہزار 416 روپے کا بل ادا نہ کرنے پر دانش کو گرفتار کر کے جیل بھیج دیا۔
Source
