وفاقی حکومت نے 75ویں یوم آزادی پر لوگو ڈیزائن کے مقابلے کا انعقاد کیا جارہا ہے جس میں جیتنے والے خوش نصیب کو پانچ لاکھ روپے نقد انعام دیا جائے گا۔
تفصیلات کے مطابق الیکٹرانک میڈیا اینڈ پبلیکشنز کی جانب سے پاکستان کے 75ویں یوم آزادی کے موقع پر ڈائمنڈ جوبلی کی مناسب سے لوگو ڈیزائن کے مقابلوں کا اعلان کیا گیا ہے، بہترین لوگو ڈیزائن کرنے والے ڈیزائنر کو حکومت پاکستان کی جانب سے 5لاکھ روپے نقد انعام دیا جائے گا۔
مائیکروبلاگنگ ویب سائٹ ٹویٹر پر ڈائریکٹوریٹ آف الیکٹرانک میڈیا اینڈ پبلیکشنز کی جانب سے جاری بیان میں کہا گیا ہے کہ مقابلوں میں حصہ لینے والے افراد 15 مئی تک اپنے ڈیزائن کردہ لوگو دی گئی ای میل پر بھیجے جاسکتے ہیں۔
دوسری جانب وفاقی وزیر اطلاعات مریم اورنگزیب نے بھی ایک پوسٹ شئیر کی جس کے مطابق لوگو ڈیزائن جیتنے والے خوش نصیب کو پانچ لاکھ روپے نقد انعام دیا جائے گا،15 مئی سے پہلے لوگو کا ڈیزائن [email protected] پر ای میل کیا جا سکتا ہے۔
انہوں نے کہا کہ لوگو ڈیزائن کے حوالے سے معلومات ڈائریکٹوریٹ آف الیکٹرانک میڈیا اینڈ پبلیکیشنز کی ویب سائیٹ سے حاصل کی جا سکتی ہیں۔