چیف جسٹس آف پاکستان گلزار احمد نے کمشنر کراچی کو حکم دیا ہے کہ کراچی کی ساری مشینری لے کر نسلہ ٹاور کو گرانا شروع کردیں۔
بدھ کوسپریم کورٹ کراچی رجسٹری میں نسلہ ٹاور انہدام کیس کی سماعت ہوئی۔چیف جسٹس نے کمشنر کراچی سے استفسار کیا کہ کمشنر صاحب،عدالت نے جو کام کرنے کو آپ سے کہا تھا وہ ہوا کہ نہیں۔ کمشنر کراچی نے بتایا کہ اس سلسلے میں عدالت سے رہنمائی درکار ہے
اس پر چیف جسٹس نے کمشنر کراچی پر برہمی کا اظہار کرتے ہوئے کہا کہ آپ سیدھی بات کریں،نسلہ ٹاور کی عمارت گرائی ہے یا نہیں۔کیا آپ کا یہاں سے جیل جانے کا ارادہ ہے۔
چیف جسٹس گلزاراحمد سے کمشنرکراچی نےدرخواست کی کہ میری بات سنیں،میں کچھ بتانا چاہتا ہوں۔ اس پر جسٹس قاضی امین نے ریمارکس دئے کہ آپ کے خلاف مس کنڈکٹ کی کارروائی ہوگی،آپ کو معلوم ہے کہ آپ کہاں کھڑے ہیں؟۔
چیف جسٹس نےریمارکس دئیے کہ کمشنر کراچی مسلسل توہین عدالت کررہے ہیں اور کیا یہ کمشنر کہلانے کےلائق ہے؟ یہ اٹھارہ گریڈ کے افسر ہیں اور یہاں ایسی باتیں کررہے ہیں۔
کراچی:ساری مشینری لےکرنسلہ ٹاورگرانا شروع کریں،چیف جسٹس کاحکم
کمشنر کراچی مسلسل توہین عدالت کررہے ہیں...;
www.samaa.tv
Advertisement
چیف جسٹس کو یہی ایک کام سب سے آسان لگتا ہے 
