بل گیٹس پاکستانی پولیو ورکر شمائلہ رحمانی سے متاثر ہوئے بغیر نہ رہ سکے

4bilrehmani.jpg

مائیکروسافٹ کے بانی اور دنیا بھر میں پولیو کے خلاف مہم چلانے اور ویکسین کیلئے فنڈز دینے والے بل گیٹس پاکستانی پولیو ورکر شمائلہ رحمانی کی شخصیت سے متاثر ہوئے بغیر نہ رہ سکے۔ انہوں نے اس پاکستانی خاتون کے بلند حوصلے اور عزم کی تعریف کی۔

بل گیٹس نے شمائلہ کی پولیو کے خلاف خدمات کے اعتراف میں ایک ویڈیو شیئر کی جس میں وہ بتاتی ہیں کہ کس طرح وہ علاقے میں جگہ جگہ جا کر لاکھوں بچوں کو پولیو سے بچاؤ کی ویکسین دیتی ہیں۔ ان کا کہنا تھا کہ وہ سینئر پولیو ورکر ہیں اور لوگوں کو کورونا سے بچاؤ کیلئے بھی احتیاطی تدابیر اور ویکسین کیلئے قائل کرتی ہیں۔


بِل گیٹس نے شمائلہ رحمانی کی ویڈیو شیئر کرتے ہوئے اپنے سوشل میڈیا پیغام میں کہا کہ شمائلہ رحمانی پاکستان میں پولیو ورکر ہیں جو اس بات کو یقینی بنانے کے لیے کام کر رہی ہیں کہ ان کی کمیونٹی کا ہر بچہ اس بیماری سے محفوظ رہے۔

Capture.jpg


انہوں نے شمائلہ سے متعلق یہ بھی کہا کہ وہ ایسے خاندانوں سے بھی ملتیں جن کی اکثریت چاہتی ہے کہ ان کے بچوں کو حفاظتی ٹیکے لگائے جائیں لیکن کچھ والدین ایسے بھی ہیں جو خوف یا معلومات کی کمی کی وجہ سے اپنے بچوں کو پولیو ویکسین دینے سے انکار کرتے ہیں لیکن شمائلہ ہمت نہیں ہارتیں۔
 
Advertisement
Sponsored Link