بھارتی ایتھلیٹ کا پاکستانی گولڈ میڈلسٹ ارشد ندیم کی کامیابی پر پیغام

4arshadnadeemneerajchopra.jpg

بھارتی ایتھلیٹ نیرج چوپڑا نے کامن ویلتھ گیمز کے جویلین تھرو مقابلوں میں گولڈمیڈل جیتنے والے پاکستانی ایتھلیٹ ارشد ندیم کو مبارکباد دی ہے۔

تفصیلات کے مطابق مائیکروبلاگنگ ویب سائٹ ٹویٹرپر اپنے بیان میں بھارتی ایتھلیٹ نیرج چوپڑا نے پاکستانی ایتھلیٹ ارشدندیم کو مبارکباد دیتے ہوئے کہا کہ گولڈ میڈل جیتنے اور 90 میٹرعبورکر کے نیا ریکارڈ قائم کرنےپر آپ کو بہت بہت مبارکباد ۔

انہوں نے ارشد ندیم کیلئے آئندہ مقابلوں کیلئے نیک تمناؤں کا اظہار بھی کیااورکہا کہ آپ کو آئندہ مقابلوں کیلئےآل دی بیسٹ۔

294838_5570017_updates.png


اس سے قبل ارشد ندیم نے بھی نیرج چوپڑا سے متعلق اپنےبیان میں کہا کہ نیرج بھائی انجری کی وجہ سے ایونٹ میں شریک نہیں ہوسکے، اللہ انہیں صحت دے ،اس ایونٹ میں وہ ہوتے اور بھی مزہ آتا۔


ارشد ندیم نے کہا کہ میں اس سال ان کی ایونٹ میں کمی کو شدت سے محسوس کررہا ہوں،میں ان کے آئندہ مقابلوں کیلئے نیک خواہشات کا اظہار کرتا ہوں۔
 
Sponsored Link