خاتون پر تشدد کرنے والے سکیورٹی گارڈ کو گرفتار کر لیا گیا

9%DA%AF%D8%A6%D8%A7%D8%B1%D8%AF%D8%AA%DB%81%D8%B1%D8%AA%D8%A6%D8%B1%D8%B9%D9%88%DB%81%D9%85%D9%88%D9%86.jpg

ایک خاتون پر سفاکانہ تشدد کرنے والے سکیورٹی گارڈ کو سی سی ٹی وی فوٹیج نشر ہونے کے بعد گرفتار کر لیا گیا۔ سکیورٹی گارڈ کے خلاف متاثرہ خاتون نے درخواست دی تھی جس پر مقدمہ درج کیا گیا۔

تفصیلات کے مطابق کراچی کے علاقے گلستان جوہر 17 بلاک میں خاتون پر سکیورٹی گارڈ نے تشدد کیا تھا اور فرار ہو گیا تھا، متاثرہ خاتون کا بات کرتے ہوئے کہنا تھا کہ وہ پانچ ماہ کی حاملہ ہے، بیٹا مجھے کھانا دینے آیا تو سکیورٹی گارڈ نے گالم گلوچ کی اور تشدد کیا جبکہ سکیورٹی گارڈ کا کہنا ہے کہ خاتون نے بدتمیزی کی اور گالیاں نکالیں جس پر مشتعل ہو گیا اور مجبور ہو کر یہ قدم اٹھایا۔

https://twitter.com/x/status/1556592526144020481
سکیورٹی گارڈ کا کہنا ہے کہ خاتون اپنے شوہر کے ساتھ آئی تھی اور میں پوچھ گچھ کر رہا تھا، اس کے گالم گلوچ کرنے پر مشتعل ہو گیا۔ سکیورٹی گارڈ کے تشدد سے خاتون بے ہوش گئی تھی۔ پولیس کے مطابق خاتون گلستان جوہر میں مختلف فلیٹوں میں کام کرتی ہے، ہم نے دفعہ 154 کا بیان لے لیا ہے اور سکیورٹی گارڈ کی شناخت عادل کے نام سے ہوئی ہے۔

https://twitter.com/x/status/1556583196569075713
سی سی ٹی وی فوٹیج میں دیکھا جا سکتا ہے سیکیورٹی گارڈ اور خاتون کے درمیان تلخ کلامی کے دوران سیکیورٹی گارڈ نے سفاکیت کا مظاہرہ کرتے ہوئے خاتون کو زوردار تھپر رسید کیا جس کے باعث وہ زمین پر گری اور اس نے زمین پر گری خاتون کو بھاری بھر کم جوتا منہ پر دے مارا اور خاتون بے ہوش ہوگئی ،خاتون بے ہوشی کی حالت میں کافی دیر وہاں پڑی رہی۔