روپے کی تنزلی جاری،اسٹاک مارکیٹ دوسرے روز بھی سنبھل نہ سکی

5.jpg

ملک میں آج بھر معاشی سرگرمیاں منفی رجحان کا شکار رہیں، روپے کی تنزلی بھی جاری رہی اور اسٹاک مارکیٹ میں بھی سرمایہ کاروں کو نقصان اٹھانا پڑا۔

مائیکروبلاگنگ ویب سائٹ ٹویٹر پر اسٹیٹ بینک آف پاکستان کی جانب سے جاری کردہ اعدادوشمار کے مطابق روپے کے مقابلے میں امریکی ڈالر کی قدر میں مزید اضافہ ہوا ہے۔

اسٹیٹ بینک کے مطابق انٹر بینک میں آج کاروبار کے دوران روپے کی قدر میں 16 پیسے کمی واقع ہوئی ، گزشتہ روز انٹر بینک میں 168 روپے 52 پیسے میں فروخت ہونے والا امریکی ڈالر 16 پیسے مہنگا ہوکر168 روپے 68 پیسے کی سطح فروخت ہوا۔

https://twitter.com/x/status/1440619612077314048
دوسری جانب کراچی اسٹاک ایکسچینج میں چھائے مندی کے بادل نہ چھٹ سکے، اور انڈیکس میں 411 پوائنٹس کی کمی واقع ہوئی ہے۔

Whats-App-Image-2021-09-22-at-4-36-14-PM.jpg


آج کاروبار کے دوران ایک موقع پر انڈیکس46ہزار 31 پوائنٹس کی سطح پر پہنچ گیا تاہم کاروبار کے اختتام تک یہ سطح برقرار نہ رہ سکی اور انڈیکس گر کر45 ہزار 597 اعشاریہ 24 پوائنٹس کی سطح پر بند ہوا۔