عوامی تحریک کا تحریک انصاف کے لانگ مارچ سے اظہار لاتعلقی

tahi1121.jpg


عوامی تحریک (پی اے ٹی) کے رہنما علامہ طاہر القادری نے تحریک انصاف (پی ٹی آئی) کے چیئرمین عمران خان کے لانگ مارچ سے لاتعلقی کا اظہار کردیا۔ انہوں نے مؤقف اپنایا ہے کہ تحریک انصاف نے ساڑھے 3 سال میں سانحہ ماڈل ٹاؤن متاثرین کے لیے کچھ نہیں کیا۔

علامہ ڈاکٹر طاہرالقادری کا کہنا تھا کہ ایسی سرد مہری کا مظاہرہ کیا گیا جیسے کچھ ہوا ہی نہیں تھا، ان کی جنگ ہم نہیں لڑ سکتے، کارکن خاموش رہیں۔ ہمارے کارکن کسی کے احتجاج کا حصہ نہیں بنیں گے۔

یاد رہے کہ سابق وزیراعظم عمران خان نے کل 25 مئی کو اسلام آباد حقیقی آزادی مارچ کا اعلان کر رکھا ہے۔ چیئرمین تحریک انصاف نے واضح پیغام دیا تھا کہ نیوٹرل رہنے کا کہنے والے اب نیوٹرل رہیں۔ بیورو کریسی کو بھی دھمکی دی کہ کوئی غیر قانونی کام کیا تو ایکشن لیں گے۔

عمران خان نےحکومت سے اسمبلی توڑنے اور انتخابات کرانے کی تاریخ مانگی اور صاف شفاف انتخابات کرانے کا مطالبہ کر رکھا ہے۔ دوسری جانب اتحادی حکومت نے اپنی مدت پوری کرنے اور مشکل فیصلے کرنے کا فیصلہ کر لیا ہے اور نوازشریف نے ان فیصلوں کی توثیق بھی کر دی ہے۔


فیصلہ اتحادی حکومت کے رہنماؤں کے درمیان رابطوں کے نتیجے میں کیاگیا تھا۔ عمران خان کے لانگ مارچ کے اعلان کے بعد سیاسی رہنماؤں میں مشاورت ہوئی، جس میں فیصلہ ہوا قبل ازوقت انتخابات نہیں کرائے جائیں گے، حکومت 2023 تک اپنی آئینی مدت پوری کرے گی۔
 
Advertisement
Sponsored Link