گزشتہ روز لاہور ہائی کورٹ نے مسلم لیگ ن کی رہنما، سابق وزیرِ اعظم نواز شریف کی صاحبزادی مریم نواز کی پاسپورٹ واپسی کی درخواست منظور کی تھی۔ جس کے بعد مریم نواز نے لاہور ہائی کورٹ سے اپنا پاسپورٹ لے لیا۔
مریم نواز نے ڈپٹی رجسٹرار کے کمرے سے پاسپورٹ وصول کیا، انہوں نے پاسپورٹ واپسی کے لیے دستاویزات پر دستخط کیے۔
پاسپورٹ ملنے کے بعد قیاس آرائیاں کی جارہی ہیں کہ مریم نواز لندن چلی جائیں گی اور کچھ عرصہ وہاں بیٹھ کر سیاست کریں گی اور اپنے والد کے ساتھ ہی پاکستان واپس آئیں گی۔
اس پر ہارون رشید نے دعویٰ کیا ہے کہ پاسپورٹ ملنےکے بعد محترمہ مریم نواز اپنا حصہ وصول کرنے لندن تشریف لے جائیں گی۔ سب جانتے ہیں ان کی دوسری اہم مصروفیت کیا ہوگی ۔
انہوں نے مزید کہا کہ جن مفکرین کی علمی رہنمائی میں مریم نواز کو پاسپورٹ جاری ہوا۔ انہی کے فکری اجالے میں عمران کے خلاف توہین عدالت کیس ختم کرنے کا فیصلہ ہوا۔ بہشتی دروازہ وہی ایک ہے۔
ہارون رشید کا کہنا تھا کہ جھوٹ بولنے والے ہر وقت ہر کہیں ملتے ہیں لیکن جس روانی' یقین اور اعتماد سے محترمہ افسانے سناتی ہیں' اس پر زرداری صاحب بھی جھوم اٹھتے ہوں گے۔
ایک اور ٹوئٹر پیغام میں ہارون رشید نے کہا کہ باقی تو خیر لیکن ارب پتیوں اور کھرب پتیوں کے بچے عجیب سے نکتے ہیں۔ بعض تو محترمہ مریم نواز شریف ایسے ۔ ایک بولا: کیا۔ میں ایسے ہی گلاس میں پانی پیوں' جس میں سب انسان پیتے ہیں۔
- Featured Thumbs
- https://www.siasat.pk/data/files/s3/maryam1h1h1h1.jpg
