خیبر پختونخواہ کےضلع مہمند میں فرنٹیئر کور نارتھ کی جانب سے دو روزہ فری ڈیجیٹل مارکیٹنگ ٹریننگ کا انعقاد کیا گیا۔
فری ٹریننگ میں ضلع مہمند کے نوجوانوں کو سوشل میڈیا کے استعمال کے طریقہ کار, فیس بک اور انسٹاگرام مارکیٹنگ, سوشل میڈیا ڈیزائننگ, ویڈیو ایڈیٹنگ اور فری لانسنگ کی ٹریننگ دی گئی۔
دو روزہ فری ٹریننگ میں بڑی تعداد میں ضلع مہمند کے نوجوانوں نے حصہ لیا. ٹریننگ میں حصہ لینے والے نوجوانوں نے فرنٹیئر کور نارتھ کا شکریہ ادا کرتے ہوئے کہا کہ اس طرح کی ٹریننگ سے علاقے کے نوجوان اپنے لئے روزگار کے ذرائع بآسانی پیدا کر سکتے ہیں۔
انہوں نے مطالبہ کیا کہ مستقبل میں اسطرح کی ٹریننگ کا انعقاد جاری رکھا جائے تاکہ نوجوان اس سے مستفید ہو سکیں۔
