پاکستان سے دورہ منسوخ کرکے نیوزی لینڈ واپس پہنچنے والی ٹیم کی ویڈیو پر تنقید سے بچنے کیلئے کیوی بورڈ کو کمنٹ سیکشن بند کرنا مہنگا پڑگیا ہے۔
خبررساں ادارے کی رپورٹ کے مطابق کیوی کرکٹ بورڈ نے پاکستان سے دورہ منسوخ کرکے آکلینڈ پہنچنے والی ٹیم کی ایک مختصر سی ویڈیو مائیکرو بلاگنگ ویب سائٹ ٹویٹر پر آفیشل اکاؤنٹ سے شیئر کی گئی ، کیوی بورڈ نے ویڈیو شیئر کرتے ہوئے لکھا کہ"24 رکنی کیوی بہادر اسکواڈ آکلینڈ پہنچ گیا ہےہ جہاں وہ 14 روز کیلئےقرنطینہ کرے گا"۔
بورڈ نے اس پوسٹ پر کرکٹ صارفین کے شدید ردعمل اور تنقید سے بچنے کیلئے کمنٹ سیکشن کو ہی بند کردیا ، تاہم یہ احتیاطی تدابیر بھی الٹی پڑگئی اور صارفین نے ٹویٹ "کوٹ" اور "ری ٹویٹ" کرتے ہوئے شدید غم وغصے کا اظہار کیا اور بورڈ کو شدید تنقید کا نشانہ بنایا۔
نجی ٹی وی چینل کے پروڈیوسر عدیل راجہ نے کہا ایسے بہادر جو ایک جھوٹے خدشے پر بھاگ نکلے۔
مقبول نامی صارف نے کہا کہ 24 بہادر نہیں 24 بزدل۔
سوشل صارفین کی جانب سے نیوزی لینڈ کرکٹ بورڈ پر تنقید کا سلسلہ جاری ہے۔
