معروف اینکر پرسن فریحہ ادریس نے منحرف ارکان سے متعلق دعویٰ کیا ہے کہ ایک رکن نے ان سے کہا ہے "25 کروڑ میں زندگی گزر جائے گی"۔
تفصیلات کے مطابق سماجی رابطے کی ویب سائٹ ٹوئٹر پر تحریک انصاف کی پارلیمانی سیکرٹری برائے قانون و انصاف ملکیلہ علی بخاری نے منحرف ارکان کی تصاویر شیئر کرتے ہوئے کیپشن میں لکھا کہ پاکستان کی خودار قوم! یہ وہ لوگ ہیں جنہوں نے ملک اور قوم کی بقا اورغیرت کو داؤ پر لگایا ہے یہ وہ چہرے ہیں جن کا مقصد اقتدار ہے۔
انہوں نے لکھا کہ یہ قوم کے بھی غدار اور اپنے لیڈر کے بھی، پہچانو ان کو، ان کو معاف نہیں کرنا۔
انہوں نے جویریہ ظفر آہیر، نزہت پٹھان اور وجیہہ اکرم کی تصاویر شیئر کی تھیں۔ان کے جواب میں معروف صحافی و اینکر پرسن فریحہ ادریس نے دعویٰ کیا کہ ان میں سے ایک نے کہا ہے کہ 25 کروڑ میں زندگی بھر گزر جائے گی۔
انہوں نے ساتھ میں صارفین سے سوال کیا کہ اندازہ لگائیں ان میں سے کس نے یہ بات کہی ہو گی؟
اس کے علاؤہ ایک اور ٹویٹ میں فریحہ ادریس نے کہا کہ اسی رکن نے یہ بھی کہا کہ وہ ابھی یقین سے نہیں کہہ سکتی کہ وہ واقعی اس کے بعد پی ٹی آئی چھوڑ دیں گی یا نہیں۔
فریحہ ادریس نے ایک اور سوال اٹھایا کہ اگر یہ سبھی برے لوگ ہیں تو پھر پارٹی نے انہیں اپنی طرف سے نامزد کیوں کیا تھا؟ تب منتخب کرنے کا کیا معیار تھا۔
Advertisement
