مسلم لیگ ن کے سینئر رہنما خواجہ محمد آصف نے کہا ہے کہ 2018 میں سفید کاغذ پر انتخابی نتیجہ دیا گیا جو میں نےجنرل باجوہ کو بھجوایا، جنرل باجوہ کا جواب زبانی تسلی تھا۔
تفصیلات کے مطابق خواجہ آصف نے کامران شاہد کی 2018 کے انتخابات میں 90 فیصد فارم 45 پر پولنگ ایجنٹس کے سائن نا ہونے سے متعلق ٹویٹ پرردعمل دیا اور کہا کہ اس الیکشن میں ہمیں فارم 45 کے بجائے سفید کاغذ پر بغیر دستخط نتیجہ پکڑا دیا گیا تھا۔
انہوں نے مزید کہا کہ میں نے یہی سفید کاغذ جنرل باجوہ کو بھجوایا کیونکہ وہ اس الیکشن کے سرپرست تھے، ان کا جواب صرف زبانی تسلی تھا، میں نے خود کئی بار یہ بات اسمبلی کے فلور اور میڈیا کو بتائی ہے۔
خواجہ آصف کےاس بیان پر سوشل میڈیا صارفین کیجانب سے شدید ردعمل سامنے آیا اور صارفین نےخواجہ آصف کو 2018 اور 20124 کے انتخابات کے نتائج کے حوالے سے آئینہ دکھادیا۔
سعادت یونس نامی صارف نے فارم 45 کی اصل اور نقل کی تصویر شیئر کی اور کہا کہ خدا کی قسم میں نے اپنے ہاتھوں سے فارم 45 وصول کیا تھا ، آپ کے ووٹ ریحانہ ڈار اور ریحانہ ڈار کے ووٹ آپ کے کھاتے میں ڈالے گئے۔
سوشل میڈیا ایکٹوسٹ احمد وڑائچ کا کہنا تھا کہ خواجہ آصف کو وہ سادہ کاغذ میڈیا، عدالتوں اور عوام کے سامنے رکھنے چاہیے تھے، اگر وہ اب بھی محفوظ ہیں تو شیئر کریں۔
ایک صارف نے کہا کہ لاکھوں سیاسی کارکنان گونگے بہرے نہیں تھے کہ کسی نے انہیں پولنگ اسٹیشنز سے نکال دیا اور وہ چپ کرکے نکل گئے، انہوں نے شور مچایا ہوگا، ویڈیو بنائی ہوگی ، یا بعد میں احتجاج کیا ہوگا، 2018 کے پورے الیکشن میں ایسی 5 ویڈیوز بھی نہیں ہوں گی۔
حنیف عالم نے کہا کہ پھر آپ محمد مالک کے سامنے کیوں آئیں بائیں شائیں کررہے تھے ، اگر آپ سچے تھے تو قسم اٹھاتے۔
ایک صارف نے ریحانہ ڈار اور خواجہ آصف کے ووٹوں کی تعداد کو تبدیل کرنے کا سکرین شاٹ لے کر شیئر کیا اور خواجہ آصف کا اپنا ڈائیلاگ "کوئی شرم کوئی حیا" کہہ دیا۔
رحیم یار ٹائمز نےخواجہ آصف کےبیان کو اعترافی بیان قرار دیا گیا۔
سیدہ ام حبیبہ نے سوال کیا کہ جنرل باجوہ 2018 کے الیکشن کی سرپرستی کس حیثیت میں کررہے تھے؟
ایک صارف نے کہا کہ کامران شاہد کا کہا گیا کہ ٹویٹ کریں تاکہ خواجہ آصف اپنا وضاحتی ٹویٹ جاری کرسکیں، جس ملک کا وزیر دفاع مینڈیٹ چور ہوسکتا ہے وہاں چھوٹی موٹی چوری داخلی خودمختیاری پر کمپرومائیز بھی ہوسکتا ہے۔
محمد شاہزین نے کہا کہ آپ نے شکایت کی آپ کا مسئلہ حل ہوگیا، مطلب آپ جیت رہے تھے تو آپ کی جیت کا نوٹیفکیشن جاری کردیا گیا، اب اگر کوئی اور جیت رہا ہے تو آپ کیوں بضد ہیں کہ میں ہی جیتا ہوں،آپ کو اخلاقی طور پر سیٹ چھوڑ دینی چاہیے۔