سابق صدر مملکت عارف علوی نے کہا کہ اگر کسی نے میرے خلاف غداری کا مقدمہ چلانا ہے تو اس کیلئے ویلکم کہوں گا۔
تفصیلات کے مطابق سابق صدر مملکت ڈاکٹر عارف علوی نے عہدے سے سبکدوش ہونے کے بعد کراچی میں اپنی رہائش گاہ پر پریس کانفرنس کی اور کہا کہ مجھے صدر بننے کا موقع بانی پی ٹی آئی عمران خان نے دیا، امید کرتا ہوں عمران خان بھی اپنے کیسز سے بری ہوجائیں گے۔
انہوں نے مزید کہا کہ انتخابات میں جس کو بھی مینڈیٹ ملا ہے اس کو تسلیم کیا جانا چاہیے، ملک کو جوڑنے کیلئے اور کشیدگی ختم کرنے کیلئے مینڈیٹ کو تسلیم کیا جانا چاہیے۔
صدر مملکت نے مزید کہا کہ ملک اس وقت انتشار کا شکار ہےاورمشکل وقت سے گزررہا ہے، ہمیں اسے جوڑنے کی ضرورت ہے،میں پاکستان کی بات کرتا رہا ہوں اور کرتارہوں گا، میں نے ہمیشہ جوڑنے کی بات کی اور کوشش یہی کی کہ توڑا نہیں بلکہ جوڑا جائے۔
