مریم نواز نے ٹریفک مسائل کی وجہ سے ہیلی کاپٹر سے دفتر آنے جانے کا فیصلہ کیا ہے، مریم نواز گزشتہ روز بھی ہیلی کاپٹر کے ذریعے جاتی امراء پہنچیں۔
ماضی میں جب سابق وزیراعظم عمران خان ہیلی کاپٹر کے ذریعے دفتر جاتے تھے تو مریم نواز ان پر طنز کے تیر برسایا کرتی ہیں اور صحافی اور دیگر جماعتیں بھی تنقید میں پیچھے نہیں رہتی تھیں۔
مریم نواز کا 10 اکتوبر 2021 کا ایک بیان وائرل ہورہا ہے جس مین وہ کہتی ہیں کہ ہیلی کاپٹر پر ایک دربار سے دوسرے دربار تک سفرکرنے والےکوکیا خبرکہ عوام پرکیا قیامت گزر رہی ہے؟
انہوں نے کہا کہ جس ملک میں عوام فاقوں سے مر رہے ہوں، والدین مہنگائی سے تنگ آ کر بچوں کو زہر پلا کر خودکشیاں کر رہے ہوں،اس ملک کا حکمران اُس ریاست مدینہ کی بات کر رہا ہے جس کے کتے بھی اعلیٰ قسم کے گوشت پر پلتے ہوں ۔
مدثر نامی سوشل میڈیا صارف نے کہا کہ "دیکھی میری میڈیا مینجمنٹ"وزیراعظم عمران خان ہیلی کاپٹر پہ سفر کرے تو تنقید کرتے تھے جبکہ مریم نواز کا ہیلی کاپٹر پہ آنا جانا "شہریوں کو ٹریفک مسائل سے بچانے کیلئے اہم قدم ہو گا"
اس پر ڈاکٹر ارم نے کہا کہ سچ میں مجھے تو ان کے ورکرز اور فولورز ہر حیرت ہوتی ہے جو ان لوگوں کو ووٹ دیتے ہیں
دیگر سوشل میڈیا صارفین کا کہنا تھا کہ مریم نواز نے ماضی میں جو کچھ عمران خان سے متعلق کہا اب سامنے آرہا ہے، وہ ہر معاملے میں عمران خان کی نقل کرتی نظر آرہی ہیں۔انکا کہنا تھا کہ ایسی باتیں کرنی ہی نہیں چاہئے جو کچھ عرصہ بعد سامنے آجائیں۔
ان کا کہنا تھا کہ مریم نواز نے ماضی میں عمران خان کو جو طعنے دئیے وہ اب اسی کے سامنے آرہے ہیں۔