لاہور میں ایک تھانے کے ایس ایچ او کے مبینہ طور پر بدترین تشدد کے باعث ایک شہری بولنے کی صلاحیت سے محروم ہوگیا ہے،شہری کو تشویشناک حالت میں پولیس نے اسپتال منتقل کردیا گیا۔
تفصیلات کے مطابق یہ افسوسناک واقعہ لاہور کے تھانہ مصطفیٰ آباد کے ایس ایچ او پر الزام عائد کیا جارہا ہے کہ اس کے بدترین تشدد کے باعث ایک شہری قوت گویائی سے محروم ہوگیا ہے۔
میڈیا رپورٹس کے مطابق ایس ایچ او حماس حمید نے بچوں کی لڑائی پر بچوں اور ایک بچے کے والد عمران کو تھانے بلایا، لواحقین کے مطابق تھانے میں ایس ایچ او نے بچوں کے سامنے عمران کو بری طرح تشدد کا نشانہ بنا جس سے وہ شدید زخمی ہوگیا۔
لواحقین نے الزام عائد کی عمران پر ہونے والے بدترین تشدد کے باعث عمران کی قوت گویائی متاثر ہوئی ہے اور وہ اب بولنے کی صلاحیت سے محروم ہوگئے ہیں۔
رپورٹس میں دعویٰ کیا جارہا ہے کہ زخمی شہری کو تشویشناک حالت میں پولیس نے خود ہی اسپتال منتقل کردیا ہے، مذکورہ تھانہ کی جانب سے واقعہ کے حوالےسے کوئی باضابطہ بیان سامنے نہیں آیا ہے۔
