بیجنگ: وفاقی وزیر داخلہ محسن نقوی نے چین کے دورے کے دوران چینی ہم منصب سے ملاقات کی جس میں دونوں ممالک کے درمیان انٹیلی جنس شیئرنگ کو بہتر بنانے پر اتفاق ہوا۔
ملاقات میں وزیر داخلہ نے چین سے پولیس کے لیے جدید ٹیکنالوجی اور آلات حاصل کرنے کا اعلان کیا۔ انہوں نے کہا کہ پولیس اور پیرا ملٹری فورسز کو جدید ٹیکنالوجی سے لیس کیا جائے گا۔
مزید برآں، پیرا ملٹری فورسز کے لیے بارڈرز کی حفاظت کے حوالے سے تعاون پر بھی گفتگو ہوئی۔ محسن نقوی نے نیشنل پولیس اکیڈمی کے ساتھ تعاون بڑھانے اور بیجنگ پولیس اور اسلام آباد پولیس کے درمیان مزید تعاون کی ضرورت پر زور دیا۔
وزیر داخلہ نے جنوری میں ہونے والی جوائنٹ ورکنگ گروپ کی میٹنگ پر اطمینان کا اظہار بھی کیا۔ یہ ملاقات تقریباً دو گھنٹے تک جاری رہی، جس میں محسن نقوی نے چینی ہم منصب کو پاکستان کے دورے کی بھی دعوت دی۔
- Featured Thumbs
- https://i.imghippo.com/files/Xf6757xTo.jpg
