آئی سی سی چیمپئنز ٹرافی کے لیے بھارتی کھلاڑیوں کے بعد اب بھارتی میچ آفیشلز نے بھی پاکستان آنے سے انکار کر دیا ہے۔ آئی سی سی کے میچ ریفریز اور امپائرز پینل میں اس بار کوئی بھارتی ریفری یا امپائر شامل نہیں ہوں گے۔
بھارتی میڈیا کے مطابق، میچ ریفری جواگل سری ناتھ اور امپائر نتن مینن نے اس ایونٹ کے لیے پاکستان جانے سے انکار کر دیا ہے۔ میڈیا نے دعویٰ کیا ہے کہ ان کے انکار کے بعد آئی سی سی نے انہیں پینل میں شامل نہیں کیا۔
میڈیا رپورٹس کے مطابق، میچ ریفری جواگل سری ناتھ نے آئی سی سی سے چھٹیاں لے لی ہیں، جبکہ امپائر نیتن مینن نے ذاتی وجوہات کی بنا پر پاکستان کا دورہ نہ کرنے کا فیصلہ کیا ہے۔
آئی سی سی کے قوانین کے مطابق، بھارتی آفیشلز دبئی میں بھارت کے میچز کی نگرانی نہیں کر سکتے تھے، اس لیے ان کو پینل سے خارج کیا گیا۔
یاد رہے کہ جواگل سری ناتھ نے 67 ٹیسٹ میچز اور 229 ون ڈے انٹرنیشنل میچز میں بھارت کی نمائندگی کی ہے۔ انہوں نے ٹیسٹ کرکٹ میں 236 اور ون ڈے میں 315 وکٹیں حاصل کیں۔
یہ اقدامات آئی سی سی چیمپئنز ٹرافی کے انتظامات میں ایک اہم تبدیلی ہے، جو ان کی ایونٹ کی شفافیت اور نیوٹرلٹی کو یقینی بنانے کے لیے اٹھائے گئے ہیں۔
- Featured Thumbs
- https://i.imghippo.com/files/LT1167LY.jpg
۔
