ماؤنٹ مونگانوئی میں کھیلے گئے تیسرے اور آخری ایک روزہ میچ میں نیوزی لینڈ نے پاکستان کو آؤٹ کلاس کرتے ہوئے سیریز میں کلین سوئپ کر لیا۔
نیوزی لینڈ کی جانب سے دیے گئے 265 رنز کے ہدف کے تعاقب میں پاکستان کی بیٹنگ ایک بار پھر ناکام رہی اور پوری ٹیم 40 ویں اوور میں 221 رنز پر آؤٹ ہو گئی۔ نیوزی لینڈ کو میچ میں 43 رنز سے کامیابی حاصل ہوئی۔
پاکستان کی جانب سے عبد اللہ شفیق اور بابر اعظم نے 73 رنز کا اچھا آغاز فراہم کیا، مگر اس کے بعد کوئی بڑی شراکت قائم نہ ہو سکی۔ بابر اعظم کے علاوہ، کوئی بھی کھلاڑی 50 رنز کا ہندسہ عبور نہ کر سکا۔ کپتان محمد رضوان نے 37 رنز کی اننگز کھیلی، جبکہ عبد اللہ شفیق اور طیب طاہر نے 33، 33 رنز کی اننگز کھیلیں۔
نیوزی لینڈ کی جانب سے بین سیئرز نے 5 کھلاڑیوں کو آؤٹ کیا، جیکب ڈفی نے 2 وکٹیں حاصل کیں، جبکہ ایک ایک وکٹ مائیکل بریسویل، محمد عباس اور ڈیرل مچل کے حصے میں آئی۔
