سابق وزیرخزانہ پی ٹی آئی اسد عمر نے گزشتہ روز اپنے ٹوئٹر پیغام میں کہا کہسیاسی اختلاف اپنی جگہ لیکن میں اعتراف کرتا ہوں ملکی معیشت بہتر ہوچکی میں معیشت کو مزید ابھرتا ہوا دیکھ رہا ہوں۔
انکا کہنا تھا کہ دو سال کی شدید معاشی مشکلات کے بعد، ہم بالآخر معاشی بحالی کے آثار دیکھ رہے ہیں۔ سب سے امید افزا شعبہ آئی ٹی کا ہے، جو برآمدات میں نمایاں ترقی دکھا رہا ہے۔ تاہم، انٹرنیٹ کنٹرول کے ناقص نفاذ کی وجہ سے یہ ترقی خطرے میں پڑ گئی ہے۔ اگر ہم نے اس مسئلے کو فوری طور پر حل نہ کیا تو یہ ابھرتے ہوئے ٹیکنالوجی کے شعبے کو کئی سالوں تک نقصان پہنچا سکتا ہے۔
اسد عمر نے مزید کہا کہ بہت سے ممالک، بشمول ہمارے قریبی اتحادی جیسے چین اور سعودی عرب، سخت ڈیجیٹل کنٹرول کے ساتھ مضبوط ٹیکنالوجی کی صنعتوں کے حامل ہیں۔ لیکن انہوں نے یہ کنٹرول ایک سوچے سمجھے حکمت عملی کے تحت نافذ کیے ہیں اور ان کے ٹیکنالوجی کے شعبے ترقی کر رہے ہیں۔ ہمیں فوری طور پر اپنی ڈیجیٹل کنٹرول حکمت عملی کا ازسر نو جائزہ لینے کی ضرورت ہے تاکہ ابھرتے ہوئے آئی ٹی شعبے کو محفوظ کیا جا سکے۔
اسد عمر جو تحریک انصاف میں نمایاں مقام رکھتے تھے، عمران خان دور میں انہیں پہلے وزیرخزانہ بعدازاں وزیر پلاننگ بنایا تھا اور جب تحریک انصاف کی حکومت گئی تو وہ تحریک انصاف کے سیکرٹری جنرل کے عہدے پر فائزہوئے۔۔ تحریک انصاف نے سپورٹرز اور صحافیوں نے اس پر سخت ردعمل دیا۔
ایک صارف نے کہا کہ نہایت افسوس کے ساتھ یہ کہنا پڑیگا کے اسد عمر نے پاکستان اور بالخصوص عوام کے ساتھ دھوکہ کیا۔ اب جا کر کرپٹ اور دو نمبر جرنیلی کیمپ جوائن کر لیا۔
احمد بوباک کا کہنا تھا کہ اسد عمر نے انتہائی گہری چوٹ پہنچانے کی کوشش کی ہے اپنی ٹویٹ کے ذریعے ۔ اسد عمر نے تحریک انصاف کے مخالف بیانیہ کے حق میں ٹویٹ کیا ہے ۔ مخالف بیانیہ یہ ہے کہ " ملک معاشی طور پر مستحکم ہو رہا ہے اور 24 نومبر کی کال معاشی ترقی روکنے کی سازش ہے۔" تو اس عمر نے آج کیا ٹویٹ کیا ہے ؟؟ جائیں اور دوبارہ پڑھیں ۔ یہ سانپ ہیں سانپ
عائشہ بھٹہ نے طنز کیا کہ "اسد عمر کو رہا کرو"
سرفراز کا کہنا تھا کہ خان نے کل اسی لیئے عاصم منیر کا شکریہ ادا کیا کہ اس نے پی ٹی آئی کے گند کو صاف کردیا ہے۔
ایک صارف نے کہا کہ عزت بڑی مشکل سے کمائی جاتی ہے ، گنوانے کے لیے ایک پریس کانفرنس ہی کافی ہوتی ہے
احتشام عباسی کا کہنا تھا کہ اسد عمر ایک نوسرباز تھا عمران خان سے جھوٹ بولتا رہا،،،پھر دغا دے کر پی ٹی آئی کو چھوڑ گیا،،آج ن لیگ کا بیانیہ پروموٹ کر رہا ہے
- Featured Thumbs
- https://www.siasat.pk/data/files/s3/asdah111h1.jpg
