شوکت عزیز صدیقی صاحب! اگر آپ اتنے مسلسل حق گو ہوتے تو آپ ممتاز قادری کی پھانسی کی توثیق نہ کرتے: اوریا مقبول جان
سابق چیف جسٹس اسلام آباد ہائیکورٹ شوکت عزیز صدیقی اور معروف اینکرپرسن اوریا مقبول جان نے سماجی رابطوں کی ویب سائٹ ٹویٹر پر ایک دوسرے پر لفظی حملے شروع کر دیئے۔ اوریا مقبول جان نے شوکت عزیز صدیقی کی تصویر شیئر کرتے ہوئے ٹویٹر پیغام میں لکھا کہ: جسٹس شوکت عزیز صدیقی کا ایمان ہے جس نے انہیں تقویت دی اور وہ ارشد شریف کا مقدمہ لڑنے کیلئے صف بستہ ہوگئے ۔
جب جج تھے تو عاصمہ جہانگیر سمیت سب سیکولر ان کے خلاف بولتے تھے۔آج بھی اسی ٹولے کے وزیر قانون اور اس کی لیگل ٹیم سے ان کا مقابلہ ہوگا۔ اللہ استقامت دے اور نصرت عطا فرمائے!
اوریا مقبول جان کے پیغام کے ردعمل میں شوکت عزیز صدیقی نے اپنے ٹویٹر پیغام میں لکھا کہ:اوريا مقبول عباسی صاحب! میں نے آپ کی زير نظر ٹوئٹ ابھی دیکھی جو کہ باعثِ حيرت ہے، 21جولائی 2018ء کی ميری تقرير کے بعد جس طرح کی ہرزہ سرائی اور زہر افشانی آپ نے کی تھی وہ مجھے ياد ہے! چونکہ اُس وقت آپ طاقتور حلقوں کے کارندہ خاص ہونے کی بنا پر گھمنڈ اور غرور ميں مبتلا تھے !
ایک اور پیغام میں لکھا کہ: ميں آپ کو يہ حق نہيں ديتا کہ آپ ميرے ايمان و مُعاملات پر کوئی تبصرہ کريں! مجھے اگر آپ ميں اور عاصمہ جہانگير ميں سے انتخاب کرنا پڑے تو آپ ميرا انتخاب ہر گز نہيں ہوں گے! ميں نے ساری زندگی حق گوئی کے ساتھ گُزاری ہے حق و دانش فروشی ميں نہيں!
اوریا مقبول جان نے شوکت عزیز صدیقی کے جواب پر ردعمل دیتے ہوئے اپنے پیغام میں لکھا کہ: میں نہیں چاہتا کہ اللہ آپ کا انجام عاصمہ جہانگیر کیساتھ کرے ۔ آپ کی جس تقریر پر میں نے گفتگو کی وہ آپ نے ایک پارٹی کی محبت میں کی تھی! اگر آپ واقعی حق پر قائم رہنے والے ہوتے تو آج بھی ویسی تقریریں کرتے نظر آتے ۔ اللہ آپ کو مسلسل حق پر چلنے کی توفیق دے!
شوکت عزیز صدیقی نے لکھا کہ: اور ميں يہ نہيں چاہتا کہ دين و دُنيا میں آپ جيسے دين فروشوں کے ساتھ شامل کيا جاؤں، ميں تو ہر جگہ اپنا موقف پيش کر رہا ہوں اب آپ کے سودے کے خريدار بدل گئے ہيں اس لئے آپ حسد اور مايوسی کی آگ ميں جل رہے ہيں ميری وہ تقرير اُس وقت کی آپ کی پارٹی ISI کے خلاف تھی جس کے آپ تنخواہ دار تھے!
اوریا مقبول جان نے ممتاز قادری کی پھانسی کے حوالے سے خبر شیئر کرتے ہوئے لکھا کہ: شوکت عزیز صدیقی صاحب! اگر آپ اتنے مسلسل حق گو ہوتے تو آپ ممتاز قادری کی پھانسی کی توثیق نہ کرتے، بینچ سے علیحدہ ہو جاتے، آپ نے تو رسول اللہؐ سے اتنی بھی محبت نہ دکھائی جتنی آپ نے نواز شریف سے دکھائی!
جواب میں شوکت عزیز صدیقی نے اوریا مقبول جان کے کالم کا حوالہ دیتے ہوئے لکھا کہ: مورخہ ۱۰ مارچ ۲۰۱۷ روزنامہ 92 نيوز ميں اوريا مقبول جان (عباسی) صاحب کا ايک طويل مضمون بعنوان “آبروئے ماز نام مُصطفے است "چھپا جو کہ ميری ذات اور عدالتی فيصلوں کے حوالہ سے تھا، اس مضمون کا اختتام اِن الفاظ پر ہوا تھا"!
