ترجمان ن لیگ مریم اورنگزیب نے دعویٰ کیا ہے کہ پی ٹی آئی اراکین کے استعفے زبردستی دلوائے گئے ہیں، اگلا استعفیٰ صدر پاکستان کا ہو گا،تحریک انصاف کے ارکان اسمبلی کے استعفے غیر قانونی اور غیر آئینی ہیں، امید ہے کہ نئی کابینہ کااعلان کردیا جائےگا،ڈپٹی اسپیکر کے پاس رولنگ کا اختیارنہیں تھا، ڈپٹی اسپیکرکو پتا ہے انہوں نے آئین شکنی کی۔
اسلام آباد میں میڈیا سے گفتگو میں ڈپٹی اسپیکر قومی اسمبلی کو غیر آئینی رولنگ اور سپریم کورٹ کے فیصلے کی خلاف ورزی پر آرٹیکل 6 کے تحت سزا ہونی چاہئے، تحریک انصاف کے ارکان کی جانب سے جو استعفے سامنے آئے ان کا ٹیکسٹ بھی ایک ہے، کچھ کی فوٹو کاپی ہے اور ایک ہی فارمیٹ کے تحت تیار کئے گئے ہیں، یہ تمام استعفے غیر قانونی اور غیر آئینی ہیں۔
انہوں نے کہا کہ تحریک انصاف کے کئی ارکان اسمبلی کہہ چکے ہیں کہ ہم نے استعفی نہیں دیا، ڈپٹی اسپیکر کے خلاف تحریک عدم اعتماد پارلیمنٹ میں موجود ہے، ان کے پاس کوئی اتھارٹی نہیں کہ وہ ان جعلی استعفوں کو منظور کریں جو ممبران نے دیئے بھی نہیں، یہ استعفے ملک کی سلامتی اور فارن پالیسی کو داؤپر لگاتے ہوئے سیاسی مقاصد کے لئے استعمال کئے جا رہے ہیں،عمران خان اس جرم میں برابر کے شریک ہیں، انہیں معلوم ہے کہ یہ آئین شکنی کے مرتکب ہوئے ہیں اور عوام کو چار سال تک لوٹا ہے۔
- Featured Thumbs
- https://www.siasat.pk/data/files/s3/11maryamistifa.jpg
