ایشیائی ترقیاتی بینک پاکستان کی معاشی کارکردگی کا معترف

پاکستان کی معیشت میں بہتری کے آثار، 2025 میں شرح نمو 2.5 فیصد رہنے کا امکان، ایشیائی ترقیاتی بینک

اسلام آباد: ایشیائی ترقیاتی بینک (ADB) نے پاکستان کی معیشت پر اپنی آؤٹ لک رپورٹ جاری کرتے ہوئے کہا ہے کہ پاکستان کی معیشت میں استحکام اور بہتری کے آثار نمایاں ہو رہے ہیں۔ رپورٹ کے مطابق 2025 میں پاکستان کی جی ڈی پی شرح نمو 2.5 فیصد رہنے کی توقع ہے جبکہ 2026 میں یہ اضافہ 3 فیصد تک پہنچ سکتا ہے۔

رپورٹ میں کہا گیا ہے کہ آئی ایم ایف پروگرام اور معاشی اصلاحاتی اقدامات کے باعث پاکستانی معیشت میں استحکام آیا ہے۔ نجی سرمایہ کاری میں اضافے اور مانیٹری پالیسی میں نرمی کے بعد معیشت میں سرگرمیاں تیز ہو رہی ہیں۔

اے ڈی بی نے پیش گوئی کی ہے کہ 2025 میں مہنگائی کی اوسط شرح 6 فیصد رہنے کا امکان ہے جبکہ نجی سرمایہ کاری میں اضافے سے صنعت اور خدمات کے شعبے میں ترقی کی رفتار مزید بڑھے گی۔

رپورٹ میں یہ بھی نشاندہی کی گئی ہے کہ پاکستان میں خواتین کی لیبر فورس میں شمولیت کی کمی معیشت کی ترقی میں بڑی رکاوٹ ہے۔ خواتین کو روزگار کے بہتر مواقع فراہم کرکے معیشت کو مزید تقویت دی جا سکتی ہے۔

ایشیائی ترقیاتی بینک نے اعتراف کیا کہ پاکستان میں ٹیکس اور توانائی کے شعبے میں اصلاحات نے معیشت کو سہارا دیا ہے۔ امریکی ٹیرف کے اثرات کا بھی رپورٹ میں تجزیہ شامل کیا گیا ہے۔

 

[saleema]

For an economy which has been in negative growth for the last three years, 2.5% projected increase on books means 0.025% in reality where your neighbours are consistently growing above 6% yearly for more than two decades. Welcome to banana republic

 

[Islamabadiya]

For an economy which has been in negative growth for the last three years, 2.5% projected increase on books means 0.025% in reality where your neighbours are consistently growing above 6% yearly for more than two decades. Welcome to banana republic

Not too bad after the land mines laid by Pti