برطانیہ کی جانب سے پاکستان میں نئی تعینات کردہ ہائی کمشنر اسلام آباد پہنچ گئی ہیں، جین میریٹ نے سیاسی قیادت سے ملاقاتیں بھی شروع کردی ہیں۔
تفصیلات کے مطابق رواں برس اپریل میں برطانیہ نے کینیا میں اپنی ہائی کمشنر جین میریٹ کو 2022 کے مقامی انتخابات میں ایک جماعت کے حق میں دھاندلی میں ملوث ہونے سے متعلق الزامات پر برطرف کرکے ان کی جگہ دوسرے ہائی کمشنر کو تعینات کرکے کینیا بھجوادیا تھا۔
تاہم برطانیہ نے اسی جین میرٹ کو اب پاکستان میں نیا ہائی کمشنر تعینا ت کردیا گیا ہے، جین میریٹ نے عہدہ سنبھالتے ہی پاکستان میں اپنی سرگرمیاں بھی شروع کردی ہیں، انہوں نے سیاسی قیادتوں، نگراں حکومتوں سے ملاقاتیں کیں اور مختلف اداروں کا دورہ کیا۔
مسلم لیگ ن کےآفیشل ٹویٹر ہینڈل سے جاری کردہ بیان میں جین میریٹ اور مریم نواز کی ملاقات کی تصاویر شیئر کی گئیں اور کہا گیا کہ مریم نوازشریف نے پاکستان میں سفارتی ذمہ داریاں ملنے پر جین میریٹ کو مبارک دی اور انسداد دہشت گردی کے شعبے میں جین میریٹ کی خدمات کو بھی سراہا۔
اس موقع پر مریم نواز کا کہنا تھا کہ آپ کی تعیناتی سے برطانیہ اور پاکستان کے تعلقات مزید مضبوط ہوں گے۔
جین میریٹ نے نگراں وزیراعلی پنجاب محسن نقوی سے بھی ملاقات کی ، ملاقات کا احوال پنجاب حکومت نے ٹویٹر پر شیئر کیا ، اس موقع پر صوبائی وزیر عامر میر، برطانوی قونصلر ژوئے ویئر اور دیگر حکام بھی موجود تھے۔
جین میریٹ نے استحکام پاکستان پارٹی کے پیٹرن ان چیف جہانگیر ترین سے ان کی رہائش گا ہ پر ملاقات کی، اس موقع پر علی خان ترین اور عون چوہدری کے علاوہ دیگر حکام بھی موجود تھے۔
برطانوی ہائی کمشنر نےگورنر پنجاب بلیغ الرحمان سے ملاقات کی ،ملاقات میں تجارت اور ماحولیاتی تبدیلیوں سمیت مختلف امور پرتبادلہ خیال کیا گیا۔
پاکستان کرکٹ بورڈ نے آفیشل ٹویٹر ہینڈل سےجین میریٹ کے قذافی اسٹیڈیم دورے کے مناظر شیئر کیے ، اس موقع پر جین میریٹ نے چیئرمین پی سی بی ذکاء اشرف سے ملاقات بھی کی اور باہمی دلچسپی کے امور پر تبادلہ خیال کیا گیا۔
سوشل میڈیا صارفین نےنئی تعینات کردہ برطانوی ہائی کمشنر کی نگراں حکومت اور عمران خان مخالف جماعتوں کے سربراہان سے ملاقاتوں پر سوال اٹھاتے ہوئے کہا کہ جین میریٹ پاکستان سے یوکرین کے ساتھ اظہار یکجہتی کرنے کا مطالبہ کررہی ہے۔
کینیا میں انتخابی دھاندلی میں ملوث جین میریٹ آج انتخابات سے قبل مختلف لوگوں سے ملاقاتیں کررہی ہیں۔
- Featured Thumbs
- https://www.siasat.pk/data/files/s3/12janmarriot.jpg
