سائفر کیس ،بانی چیئرمین پی ٹی آئی اور شاہ محمود قریشی فرد جرم عائد ہونے کی عدالتی کاروائی۔۔۔آفیشل سیکرٹ ایکٹ کی خصوصی عدالت کے جج ابولحسنات ذوالقرنین دو صفحات پر مشتمل چارج شیٹ پڑھ کر سنائی
ملزمان پر فرد جرم تین مختلف الزامات کے تحت سنائی گی جس میں کہا گیا کہ خفیہ سائفر کو جلسہ میں لہرایا گیا اور اس کے مندرجات کو زیربحث لایا گیاایسا کرنا آفیشل سیکرٹ ایکٹ کے تحت جرم ہے،
چارج شیٹ میں کہا گیا کہ عمران خان نےبطور وزیراعظم اور شاہ محمود قریشی بطور وزیر خارجہ سیکرٹ ایکٹ کی خلاف ورزی کی،ملزمان نے 27 مارچ 2022 کو سیکرٹ ڈاکومنٹ کو عوامی ریلی میں لہرایا۔
چارج شیٹ میں الزام عائد کیا گیا کہ ملزمان نے جان بوجھ کر زاتی مفادات کے لیے سائفر کو استعمال کیا، ملزمان کے غیر قانونی اقدام سے ملکی تشخص، سیکورٹی اور خارجہ معملات کو نقصان پہنچا۔
مزید کہا گیا کہ بطور وزیر اعظم سائفر آپکے قبضہ اور کنٹرول میں تھا،جو وزارت خارجہ کو واپس نہیں کیا گیا۔
فرد جرم سنتے ہی شاہ محمود قریشی نے صحت جرم سے انکار کیا
فرد جرم سنتے ہی سابق چئیرمین پی ٹی آئی عمران خان کا جج سے دلچسپ مکالمہ ہوا۔
عمران خان نے جج سے کہا کہ جج صاحب! اس میں ایک اور فقرہ شامل کردیں،بڑا ظلم کیا جو جنرل ریٹائرڈ باجوہ اور ڈونلڈ لو کو ایکسپوز کیا، جنرل ریٹائرڈ قمر جاوید باجوہ اور ڈونلڈ لو کو بچانے کیلئے تمام ڈرامہ ہورہا ہے۔
عمران خان نے جج سے کہا کہ میں نے ملکی اور غیر ملکی اسٹیبلیشمینٹ کو بے نقاب کرکے ظلم کیا میرے جرم میں یہ بھی شامل کریں،ہماری حکومت کو گرا کر ہمیں ہی ملزم بنادیا گیا،
جج ابوالحسنات ذولقرنین سے مکالمہ کرتے ہوئے عمران خان نے کہا کہ میڈیا کو بولنے کی اجازت نہیں تو فئیر ٹرائل کیسے ہوسکتا ہے، فئیر ٹرائل نہ ہوا تو اس کی زمہ داری تمام عمر آپ پر رہے گی، قانون کے تحت دستاویزات اور ویڈیو دیکھنے کے لیے سات دن کا وقت دیا جائے۔
انہوں نے مزید کہا کہ “میں نے ملکی اور غیرملکی اسٹیبلیشمینٹ کو بے نقاب کرکے ظلم کیا میرے جرم میں یہ بھی شامل کریں، ہماری ہی حکومت کو گرا کر ہمیں ہی ملزم بنادیا گیا، یہ کیسے ہوسکتا ہے جس کی حکومت گری ہو وہی ملزم ہو”۔
اس پر جج ابوالحسنات نے عمران خان سے کہا کہ آپ ایسا نہ کریں، غلط بات نہ کریں، یہ عدالت ہے، آپ کا لہجہ مناسب نہیں۔
عمران خان نے اس پر کہا کہ آپ پہلے میری بات سن لیں۔
عمران خان کے بار بار بولنے پر عدالت نے خاموش کرادیا
عمران خان نے جج ابوالحسنات سے کہ اکہ سزائے موت سے ڈر نہیں لگتا، سائفر حکومت گرانے کے لیے لکھا گیا جو گرا دی گئی، سائفر کے اندر سازش ہے جو چھپائی جارہی ہے۔
- Featured Thumbs
- https://www.siasat.pk/data/files/s3/ik-cyp1h1i.jpg
Last edited:
