پولیس افسر نے ساتھی کے ساتھ مل کر 14 سالہ لڑکی کو اجتماعی زیادتی کا نشانہ بناڈالا
سرگودھا میں پولیس افسر اور ساتھی کی جانب سے ایک 14 سالہ لڑکی کو اجتماعی زیادتی کا نشانہ بنائے جانے کا واقعہ سامنے آیا ہے ، واقعے کے بعد مقدمے کے اندراج اور گرفتاریوں میں تعطل کی بھی خبریں آرہی ہیں۔
تفصیلات کے مطابق سرگودھا میں کوٹ مومن تھانے میں تعینات اے ایس آئی محمد نواز پر ساتھی کے ساتھ مل کر میٹرک کی طالبہ کے ساتھ اجتماعی زیادتی کا الزام سامنے آیا ہے۔
لڑکی کے ورثاء کا کہنا ہے کہ اے ایس آئی محمد نواز نے اپنے ساتھی احسان کے ساتھ مل کرطالبہ کو اٹھایا اور اپنی نجی رہائش گاہ پر لے گیا جہاں دونوں نے لڑکی کو اجتماعی زیادتی اور تشدد کا نشانہ بنایا۔
ورثاء کی درخواست پر پولیس نے اے ایس آئی اور ساتھی کے خلاف مقدمہ درج کرلیا ہے تاہم ملزمان تاحال پولیس کی گرفت میں نہیں آسکے ہیں، پولیس کا کہنا ہے کہ ملزمان کی گرفتاری کیلئے کوششیں جاری ہیں۔
صحافی عمران بھٹی نے اس پر کہا کہ اسلام آباد پولیس کا افسر بچے کے ساتھ بدفعلی کرتا رہا اب سرگودھا پولیس نے بچی کے ساتھ گینگ ریپ کیا ہے۔۔۔۔۔ پولیس کے منہ کو لہو لگا ہے
- Featured Thumbs
- https://www.siasat.pk/data/files/s3/ijtmahai1123.jpg
