پبلک اکاؤنٹس کمیٹی کے اجلاس میں بریفنگ کے دوران انکشاف ہوا ہے کہ چیف جسٹس آف پاکستان کی تنخواہ ملک کے تمام بڑے سرکاری عہدیدارن سے زیادہ ہیں۔
تفصیلات کے مطابق چیئرمین نور عالم خان کی زیر صدارت پبلک اکاؤنٹس کمیٹی کا اجلاس ہوا جس میں چیف جسٹس آف پاکستان اور دیگر ججز ، صدر مملکت و وزیراعظم کی تنخواہ و مراعات کی تفصیلات پیش کی گئیں۔
اجلاس میں بریفنگ کے دوران شرکاء کو بتایا گیا کہ چیف جسٹس آف پاکستان تنخواہ کے اعتبار سے سب سے پہلے نمبر پر ہیں، چیف جسٹس کی ماہانہ تنخواہ 15 لاکھ 27 ہزار 399 روپے ہے، جب کہ سپریم کورٹ کے دیگر ججز کو 14 لاکھ70 ہزار 711 روپے ماہانہ تنخواہ ملتی ہے۔
نور عالم خان نے کہا کہ صدر مملکت کی ماہانہ تنخواہ 8 لاکھ96 ہزار550 روپے، وزیراعظم کی تنخواہ2 لاکھ1ہزار574 روپے ہے، وفاقی وزیر کو ایک ماہ میں 3 لاکھ38 ہزار125 روپے ماہانہ تنخواہ ملتی ہے جبکہ رکن قومی اسمبلی کی ماہانہ تنخواہ1 لاکھ 88 ہزار روپے ہے، گریڈ 22 کے افسر کی ماہانہ تنخواہ 5لاکھ91 ہزار475 روپے ہے، تنخواہ میں دی جانی والی یہ رقم دیگر مراعات کے علاوہ ہے۔
- Featured Thumbs
- https://www.siasat.pk/data/files/s3/12supremecourtssalry.jpg
