پاکستان کرکٹ بورڈ نے 25 قومی کھلاڑیوں کے لیے سینٹرل کنٹریکٹ کا اعلان کردیا, جس میں کئی اہم کھلاڑی شامل نہ ہوسکے۔
بورڈ کی جانب سے حیران کُن طور پر اوپنر فخر زمان اور امام الحق کو باہر کردیا گیا جبکہ اسپنر محمد نواز بھی ماہانہ تنخواہ پانے والوں کی اس نئی فہرست میں نہیں ہیں,جس پر سوالات جنم لینے لگے.
پی سی بی کی جانب سے 25 قومی کھلاڑیوں کو سینٹرل کنٹریکٹ کی پیشکش کی گئی ہے جس میں بابر اعظم اور محمدرضوان اے کیٹیگری میں شامل ہیں جبکہ شاہین آفریدی اور نسیم شاہ کو بی کیٹیگری کی پیشکش کی گئی ہے۔
اس کے علاوہ جن کھلاڑیوں کو سینٹرل کنٹریکٹ کی پیشکش ہوئی ہے ان میں حارث رؤف، سلمان علی آغا اور شان مسعود بھی شامل ہیں جبکہ انگلینڈ کے خلاف ٹیسٹ سیریز میں شاندار بولنگ کرنے والے ساجد خان کو بھی سی کیٹیگری کی پیشکش کی گئی ہے جبکہ نعمان علی کو سینٹرل کنٹریکٹ کی پیشکش فٹنس سے مشروط ہے۔
ذرائع کے مطابق فخر زمان، امام الحق، اسامہ میر کے فٹنس ٹیسٹ کچھ دنوں میں دوبارہ لیے جائیں گے، تینوں کھلاڑی ابتدائی فٹنس ٹیسٹ میں ناکام ہونے پرسینٹرل کنٹریکٹ میں نہیں ہیں، تینوں کی کنٹریکٹ میں شمولیت کا جائزہ فٹنس ٹیسٹ کے بعد ہوگا, ایسا کوئی کھلاڑی نہیں جس نے سینٹرل کنٹریکٹ لینے سے معذرت کی ہو۔
- Featured Thumbs
- https://www.siasat.pk/data/files/s3/fakah1i1h2233.jpg
