battery low
Chief Minister (5k+ posts)
اسلام آباد : قومی اسمبلی میں قائد حزب اختلاف عمر ایوب نے کہا ہے کہ صدر آصف زرداری نے تو پہلے ہی سندھ کا پانی بیچ دیا اب وہ مگر مچھ کے آنسو بہا رہے ہیں۔
یہ بات انہوں نے استحکام پاکستان کانفرنس سےخطاب کرتے ہوئے کہی، انہوں نے کہا کہ پہلے صدر آصف زرداری نے نہری منصوبے پردستخط کیے، جب اپوزیشن نے قومی اسمبلی میں یہ معاملہ اٹھایا تو آصف زرداری نے مگرمچھ کے آنسو بہائے۔
اپوزیشن لیڈر عمر ایوب کا کہنا تھا کہ پیپلزپارٹی کے سارے رہنما جھوٹ بولتے ہیں کہ وہ صوبے کے پانی کا دفاع کریں گے جبکہ ان کے آصف زرداری نے تو پہلے ہی سندھ کا پانی بیچ دیا ہے۔
ان کا کہنا تھا کہ سندھ کی نہروں کے منصوبے پر آج تک مشترکہ مفادات کونسل کا اجلاس ہی نہیں ہوا، ان کا مزید کہنا تھا کہ دنیا بھر میں پیٹرول کی قیمتیں کم ہوئی ہیں جبکہ پاکستان میں مہنگائی زیادہ ہوئی ہے۔
واضح رہے کہ سندھ کے نہری پانی کی تقسیم کے تنازع پر دو بڑی سیاسی جماعتوں کے اتحاد میں دراڑ پڑگئی، ن لیگ اور پیپلزپارٹی آمنے سامنے آگئے اور دونوں جماعتوں کےدرمیان فاصلے بڑھنے لگے۔
کینالز تنازع سے قومی اسمبلی کی کارروائی بھی متاثر ہورہی ہے، پی پی ذرائع کا دعویٰ ہے کہ کینالز پر قرارداد روکنے کے لیے قومی اسمبلی اجلاس غیرمعینہ مدت کے لیے ملتوی کیا گیا۔
ذرائع نے کہا کہ پی پی نے نہروں پر قرارداد پیش کرنے کی اجازت تک اسمبلی بزنس میں ساتھ نہ دینےکی دھمکی دی، وفاقی حکومت نےغزہ پر قرارداد پیش کی اس لیے پی پی نے ساتھ دیا
Source
