وزیراعلیٰ خیبرپختونخوا علی امین گنڈاپور کی اڈیالہ جیل میں عمران خان سے ملاقات کی اندرونی کہانی سامنے آگئی ہے اور یہ ملاقات تنہائی میں ڈیڑھ گھنٹے تک محیط رہی۔
صحافی زبیر علی خان کے مطابق منگل کو اڈیالہ جیل میں ملاقات کے دوران سابق وزیراعظم عمران خان نے وزیراعلیٰ علی امین گنڈاپور کو اسٹیبلشمنٹ کے ساتھ رابطے ختم کرنے کی بھی ہدایات جاری کی ہیں۔
ذرائع کے مطابق بانی چیئرمین عمران خان نے کہا کہ اس وقت احتجاجی تحریک کے علاوہ کوئی دوسرا راستہ موجود نہیں ہے۔خیبر پختونخوا حکومت ختم ہوتی ہے یا گورنر راج لگتا ہے، کشتیاں جلا کر آئینی ترمیم کے خلاف احتجاجی تحریک کو لیڈ کرنا ہے۔
زبیر علی خان کے مطابق عمران خان نے کہا کہ اسٹبلشمنٹ سے بات چیت کا ٹاسک انہوں نے ہی دیا تھا اور اب اسٹبلیشمنٹ کے ساتھ کسی قسم کی کوئی بات چیت نہیں کی جائے گی۔
عمران خان کا کہنا تھا کہ اسٹیبلشمنٹ نے ہمارے ساتھ دھوکا کیا ہے، اس کے بعد مذاکرات کے تمام راستے بند کردیے جائیں
ذرائع کے مطابق وزیراعلیٰ علی امین گنڈاپور کو ہر صورت راولپنڈی جلسے میں پہنچنے اور جمعرات اور جمعے کی احتجاجی ریلیوں کی تیاریوں کی ذمہ داری سونپ دی گئی ہے جبکہ لاہور میں بھی دوبارہ جلسہ کرنے کا ٹاسک دیا گیا ہے ، لاہور جلسے کا لائحہ عمل بعد میں طے کیا جائے گا۔
- Featured Thumbs
- https://www.siasat.pk/data/files/s3/alignad11h13.jpg
