Kashif Rafiq
Prime Minister (20k+ posts)
لاہور قلندرز ٹریلر میں کھلاڑیوں کا عمران خان سٹینڈ کے ساتھ خصوصی فوٹوشوٹ۔سوشل میڈیا صارفین کے دلچسپ تبصرے
لاہور قلندرز نے پی ایس ایل 10 کے حوالے سے خصوصی ویڈیو جاری کی ہے جس میں لاہور قلندرز کے سٹار کھلاڑیوں کو قذافی سٹیڈیم لاہور کے عمران خان انکلوژر میں دیکھا جاسکتا ہے۔
یادرہے کہ پی سی بی کی ویڈیوز اور اہم ایونٹ میں قومی ٹیم کے سابق کپتان اور سٹار آل راؤنڈر عمران خان کا تذکرہ نہیں ہوتا جس کی وجہ محسن نقوی اور موجودہ اسٹیبلشمنٹ ہیں جن کی وجہ سے آج عمران خان جیل میں اور تحریک انصاف مشکلات میں ہے
سوشل میڈیا صارفین کے مطابق لاہور قلندرز نے یہ فیصلہ تحریک انصاف کے سپورٹرز کو اپنی طرف راغب کرنے اور پی سی ایس ایل ایونٹ کو کامیاب بنانے کیلئے کیا ہے کیونکہ پی ٹی آئی کارکنوں اور سپورٹرز کی بڑی تعداد کی آج کل میچز کی بجائے عمران خان کی رہائی پر توجہ ہے
صحافی سہیل رشید نے سوال کیا کہ کیا اسے لاہور قلندرز کا آخری فیصلہ سمجھا جائے؟
اعجاز نواب کا کہنا تھا کہ لگتا ہے لاہور قلندرز کا پابندی لگوانے کا فیصلہ ہے۔
فیاض شاہ نے تبصرہ کیا کہ کہ اچھی مارکیٹنگ سٹریٹیجی ہے جب سے محسن نقویٰ نے کرکٹ کا بیڑہ غرق کیا ہے، عوام کی کرکٹ میں دلچسپی ختم ہو چکی ہے۔ پی ایس ایل کے ایونٹ کو کامیاب بنانے اور عوامی دلچسپی بحال کرنے کے لیے عمران خان کے نام کے ساتھ یہ فوٹو ریلیز کی گئی ہے۔ یہ سٹریٹیجی کارگر ثابت ہو گی یا نہیں یہ وقت بتائے گا۔
