سوشل میڈیا پر ایک ویڈیو وائرل ہوئی ہےجس میں ایک بچے پراعتمادانداز میں پولیس اہلکار سے مرغی چوری کی شکایت کرتا ہوا دکھائی دے رہا ہے، بچے کا انداز اور گفتگو اتنی معصومانہ ہےکہ دیکھنے والا اس ویڈیو کو شیئر کیے بغیر نہیں رہ سکتا۔
سوشل میڈیا پر وائرل ہونے والی ویڈیو میں نظر آنے والا بچہ پنجابی زبان میں ایک پولیس اہلکار کو اپنی مرغی چوری کی داستان بتارہا ہے اور پولیس اہلکار سے کہہ رہا ہے کہ مرغی چور کو پکڑ کر اس کے خلاف کارروائی کی جائے۔
یونیفارم پہنے بچے نے اپنی کمر پر ہاتھ کر پورے اعتماد سے پولیس اہلکار کو بتایا کہ پہلے ایک دوسرا پولیس والا آیا تھا جس سے میں نے چوزے چوری ہونے کی شکایت کی تھی، اس پولیس افسر نے میری شکایت پر کارروائی کرتے ہوئے ملزم کو پکڑ لیا تھا۔
ویڈیو بنانے والے پولیس اہلکار نے بچے کو جواب دیا کہ وہ مرغی چور کے خلاف پرچہ کٹوائے گا، بچے نے سوال کیا کہ پرچہ کٹوانے کیلئے پیسے کتنے لگیں گے؟ پولیس اہلکار نے جواب دیا کہ پرچہ کٹوانے کے کوئی پیسے نہیں لگیں گے۔
بچے کی معصومانہ گفتگو اور پراعتماد انداز نے لوگوں کی توجہ فورا ہی اپنی جانب کھینچ لی، لوگوں نے اس ویڈیو کو تیزی سے شیئر کیا بچے کی تعریف کی اور پولیس سے بچے کی شکایت پر کارروائی کرتے ہوئے مرغی بازیاب کروانے کا مطالبہ کردیا ہے۔
عائشہ بھٹہ نے تبصرہ کیا کہ ہم سے زیادہ تو اس بچے کے پولیس ڈیپارٹمنٹ میں تعلقات ہیں
- Featured Thumbs
- https://www.siasat.pk/data/files/s3/murghai1h12.jpg
