ن لیگ مذہب کو اپنے فائدے کیلئے استعمال کرنے سے باز نہیں آئیگی: سوشل میڈیا صارفین کا ردعمل
پاکستان مسلم لیگ ن مخالف سیاسی جماعت پر مذہبی کارڈ کا نام لے کر الزام لگانے کے لیے مذہبی کارڈ استعمال کرنے لگی جس پر سوشل میڈیا صارفین کی طرف سے شدید تنقید کی جا رہی ہے۔
مسلم لیگ ن کے آفیشل ٹوئٹر اکائونٹ سے اپنی انتخابی مہم کے سلسلے میں ایک ویڈیو جاری کی گئی جس میں سابق وزیراعظم عمران خان پر شدید تنقید کرتے ہوئے پیغام میں لکھا گیا کہ: "مذہب کے نام پر سیاست نہیں چلے گی" باتیں نہیں کام کرکے دکھاؤ، مقابلہ کرنا ہے تو میدان میں آؤ!
پی ایم ایل این کے ویڈیو پیغام پر ردعمل دیتے ہوئے سوشل میڈیا ایکٹیوسٹ سید علی عباس زیدی نے لکھا: پاکستان مسلم لیگ ن مریم نوازشریف کی قیادت میں ایک مختصر سے وقفے کے بعد اپنے اصل کی طرف لوٹ رہی ہے۔ رائٹ ونگ کی مذہبی سیاسی جماعت کا سٹیبلشمنٹ کے حامی نظریے کے ساتھ پیغام!
فیضان خٹک نے ویڈیو پیغام پر ردعمل دیتے ہوئے 2015ء میں پنجاب حکومت کی تحریک طالبان پاکستان سے معاہدے کی خبر شیئر کرتے ہوئے لکھا: مذہب کے نام پر سیاست نہیں؟اچھا۔چلیں پہلے یہ تو بتائیں کہ حکومت میں آنے کے بعد مذہب کے نام پر دہشت گردی کرنے والوں سے مذاکرات کرنا اور دارالحکومت سمیت باقی صوبوں کو تقریباً ٹرک کے نیچے دے دینا بند ہوگا یا نہیں؟
ایک سوشل میڈیا صارف نے بلاول بھٹو کی ویڈیو شیئر کر دی جس میں وہ نوازشریف پر تنقید کرتے ہوئے کہہ رہے ہیں کہ نوازشریف کا اصل باپ ضیاء الحق ہے، امیر المومنین بننا چاہتا تھا اور شہید بی بی کی حکومت گرانے کیلئے اسامہ بن لادن سے فنڈنگ لیتا تھا۔ صارف نے لکھا: بلاول بھٹو کا یہ ویڈیو کلپ آپ کو بے نقاب کرنے کے لیے کافی ہے اور نوازشریف نے مذہبی جوڑ توڑ پر اسامہ بن لادن سے فنڈز اکٹھے کئے!
سینئر صحافی عباس ناصر نے ردعمل دیتے ہوئے لکھا: پاکستان مسلم لیگ ن ایک بیہودہ رائٹ ونگ پارٹی ہے اور رہے گی، یہ انتہائی قابل مذمت ہے!
عینی خان نے لکھا: کیا ن لیگ کے پاس چار دفعہ حکومت کرنے کے بعد بھی کوئی منشور، کوئی ویژن اور کوئی کارکردگی نہیں بتانے کو جو مذہب کارڈ پے آ گئی ہے؟؟؟یہ انتہائی گندا دھندا ہے جس کی زد میں ن لیگ خود بھی آجائے گی۔
ندا سردار خان نے لکھا: پاکستان مسلم لیگ نے بہت خطرناک راستہ چنا ہے، آپ عوامی حمایت کھو چکے ہیں اس لیے اب مذہب کو اپنے فائدے کے لیے استعمال کر رہے ہیں اور مخالفین کی جانوں کو خطرے میں ڈال رہے ہیں۔ آپ لوگوں پر شرم آتی ہے اور ان پر جنہوں نے آپ کو یہ پوسٹ کرنے دیا، ان پر شرم آتی ہے جن کا یہ خیال تھا اور انہوں نے اس پر اتفاق کیا۔
چوہدری سجاد حسین نے لکھا: سب منافقین مذہب کا چورن بیچتے ہیں مگر مختلف پیکنگ میں، ان حرکتوں کی وجہ سے لوگوں کی مذہب سے دوری ہوتی ہے۔
- Featured Thumbs
- https://www.siasat.pk/data/files/s3/10pmlnreliguousucarrd.png
