![6indidiiabalallt.png](https://www.siasat.pk/data/files/s3/6indidiiabalallt.png)
قومی کرکٹ ٹیم کے سابق کپتان اور ماضی کے مایہ ناز بیٹسمین انضمام الحق نے ٹی 20 ورلڈ کپ کے اہم میچ میں بھارتی فاسٹ باؤلر پر بال ٹیمپرنگ کا الزام عائد کردیا ہے۔
تفصیلات کے مطابق انضمام الحق نے ایک ٹی وی چینل سے خصوصی گفتگو کرتے ہوئے کہا کہ آسٹریلیا اوربھارت کے درمیان اہم میچ میں بھارتی فاسٹ باؤلر ارشدیپ سنگھ نے بال ٹیمپرنگ کی۔
انہوں نے کہا کہ میچ کے دوران 15ویں اوور میں ارشدیپ سنگھ نے گیند کو ریورس سوئنگ کرنے کی کوشش کی ، تاہم نئی گیند اتنی آسانی سے ریورس سوئنگ نہیں ہوتی، اس سے یہ نتیجہ نکلتا ہے کہ 12ویں یا 13ویں اوور تک گیند ریورس سوئنگ کیلئے تیار تھی، ایمپائرز کو ایسی چیزوں کیلئے آنکھیں کھلی رکھنی چاہیے۔
اسی پرورام میں شریک میچ فکسنگ کے الزام میں سزایافتہ سابق کرکٹر سلیم ملک نے کہا کہ میں ہمیشہ یہی کہتا ہوں کہ کچھ ٹیموں کے معامے میں آنکھیں بند کرلی جاتی ہیں اور بھارت ان ٹیموں میں سے ایک ہے، اگر ایسے پاکستانی باؤلر گیند کو ریورس سوئنگ کرتے تو ایک ہنگامہ کھڑا ہوجاتا، 15 ویں اوور میں ارشدیپ ریورس سوئنگ کررہے تو صاف ظاہر ہے کہ گیند کے ساتھ چھیڑ خانی کی گئی۔
یادرہے کہ آئی سی سی ٹی20 ورلڈ کپ کے سپر ایٹ مرحلے کےاہم میچ میں بھارت نے آسٹریلیا کو 24 رنز سے شکست دی تھی۔