پنجااب کے وزیر تعلیم رانا سکندر حیات نے اچھی کارکردگی کا مظاہرہ کرنے والے طلباء کو ذاتی خرچ پر دبئی کی سیر کروانے کا اعلان کیا ہے ۔
تفصیلات کے مطابق صوبائی وزیر تعلیم رانا سکندر حیات نے یہ اعلان پنجاب یونیورسٹی کے کانووکیشن سے خطاب کے دوران کیا اور کہا کہ جو طالب علم اچھی کارکردگی کا مظاہرہ کریں گے انہیں ذاتی خرچے پر دبئی کی سیر کرواؤں گا۔
انہوں نے مزید کہا کہ ہم ایسی اسپیشلائزڈ ڈگریاں متعارف کروائیں گے جن کی ڈیمانڈ زیادہ ہے اور اس مقصدکیلئے اسپیشلائزڈ آئی ٹی یونیورسٹیاں بھی قائم کی جائیں گی، ایسی ڈگریاں متعارف کروائیں گے جن کو حاصل کرنےکے بعد جاب کیلئے کوئی سفارش نہیں ڈھونڈنی پڑے گی۔
صوبائی وزیر تعلیم نے کہا کہ تعلیمی اداروں میں ڈگری پروگرامز پر بات ہورہی ہوگی مگر پنجاب یونیورسٹی میں کپڑوں اور اٹھنے بیٹھنے کے طریقے کےجھگڑے چل رہے ہیں، ڈاکٹر محمد علی شاہ کو وائس چانسلر مقر ر کیا تو اس معاملے پر تنازعہ کیوں کھڑا کیا گیا؟ انہوں نے قائداعظم یونیورسٹی کو 600 سے 315ویں نمبر پر پہنچایا۔
رانا سکندر حیات نے کہا کہ وزیراعلیٰ مریم نوازشریف آئندہ ہفتے سے طلباء کیلئے 30ہزار اسکالرشپس متعارف کروارہی ہیں اور وہ جلد 40ہزار طلباء میں لیپ ٹاپس بھی تقسیم کریں گی۔
- Featured Thumbs
- https://www.siasat.pk/data/files/s3/wzi1h12.jpg
