ٹی ٹوئینٹی ورلڈ کپ میں امریکا نے پاکستان کو سپر اوور میں پانچ رنز سے شکست دے کر ٹورنامنٹ کا سب سے بڑا اپ سیٹ کردیا۔
کرکٹ کی دنیا میں غیر معروف ٹیم نے ناقابل یقین انداز میں دنیا کی صف اول کی ٹیم کو ہرا کر سنسنی پھیلا دی اور مسلسل دوسری کامیابی حاصل کی۔
امریکا نے پہلا میچ کینیڈا کے خلاف جیتا تھا۔ میزبان ٹیم نے پاکستان کو پہلے میچ میں شرم ناک شکست نے پاکستان کی مہم کو دھچکا پہنچایا اور اس کا دوسرے مرحلے میں کوالیفائی کرنا مشکل ہوگیا ہے۔
پاکستان شائقین کرکٹ ایک طرف تو پاکستانی ٹیم پر برہم ہیں تو دوسری طرف قومی ٹیم کو طنز اور تنقید کانشانہ بنارہے ہیں اور دلچسپ تبصرے کررہے ہیں۔
رانا عمران نے تبصرہ کیا کہ امریکہ کا اگلے راؤنڈ میں پہنچنا کرکٹ کی بہتری اور کرکٹ کی مارکیٹ گروتھ کے لیے بہت ضروری کے۔ دنیا پاکستان کی قربانیوں کو سراہے۔
صدف نوید نے کہا کہ کرکٹ کی 180 سالہ تاریخ کی شاید یہ بدترین شکست ہو۔ ایک ایسے ملک سے ہارے جن کی %99 عوام کو کرکٹ کا پتہ بھی نہیں۔ جہاں کوئی فرسٹ کلاس کرکٹ نہیں، اور انہوں نے دنیا بھر سے کھلاڑی اکٹھے کر کے ٹیم بنائی ہوئی ہے
موسیٰ ورک نے ری ایکشن دیا کہ کرکٹ ٹیم کے ہارنۓ پر سوشل میڈیا والے گالیاں دے رہے ہیں اظہر مشوانی کا کوئی رشتہ دار رہ گیا ہے تو اسے بھی اٹھا لیں۔
مرزااقبال بیگ نے ردعمل دیا کہ امریکہ کے ہاتھوں شکست کے بعد پاکستانی کرکٹ تیم پر تنقید نہ کی جاۓ تو کیا اس کی تعریف کی جاۓ، وہاب ریاض جیسے کرکٹر جب پاکستان کرکٹ کو چلا رہے ہوں تو یہ ہی نتیجہ آتا ہے۔ آج پاکستان کرکٹ کا سیاہ ترین دن ہے جب کرکٹ کی دنیا میں نو وارد امریکہ نے پاکستان جیسی ٹیم کو ہرا دیا۔ اس شکست کی ذمے داری کون قبول کرے گا ؟ کیا ابرار احمد ایک سیاح کی حیثیت سے ٹیم کے ساتھ گئے ہوۓ ہیں ؟ ٹیم کے انتخاب میں دوستی یاری کو کیوں ترجیح دی جا رہی ہے ؟
رضوان غلزئی نے تبصرہ کیا کہ سابق کرکٹر رمیز راجہ کے دور میں پاکستان کرکٹ ٹیم کی پرفارمنس کا موازنہ کریں۔ پھر کسی کا دوست نجم سیٹھی، کسی کا دوست ذکاء اشرف اور کسی کا دوست محسن نقوی آ گیا۔ دوستیاں نبھاتے نبھاتے ہر شعبے کی طرح کرکٹ بھی تباہ کردی۔ بدبخت پھر بھی چین ہی چین لکھ رہے ہیں۔
زبیرعلی خان نے تبصرہ کیا کہ پاکستان کرکٹ ٹیم کا اس حالت کا ذمہ داری یہ دو اشخاص ہیں۔۔۔ ایک تو کرکٹ بورڈ کو وہاب ریاض کے حوالے کیا ہوا اور دوسرا سیلیکشن میں بھی چئیرمین خود مداخلت کرتے ہیں !!! میرٹ کا قتل عام آپ کو کبھی بھی بڑے ٹورنامنٹس نہیں جتوا سکتا
صدیق جان نے کہا کہ کل رات بہت جلدی سو گیا تھا ،ہم امریکہ سے میچ ہار گئے ہیں ؟؟؟
لوجیکل کا کہنا تھا کہ میرے خیال میں اب ہمیں ہر بار پاکستانی ٹیم کی ہار پر اپ سیٹ اپ سیٹ کی گردان چھوڑ دینی چاہیے اب ہم ائیر لینڈ زمبابوے بنگلہ دیش وغیرہ کے لیول کی ٹیم ہی ہیں
جنید سلیم کا کہنا تھا کہ کھیل سے سیاست تک ، معیشت سے روزگار تک ، کوئی نحوست سی نحوست ہے ۔ حل صرف ایک ہے ، جس کو ابھی "نکالنا" نہیں لیکن سوال یہ ہے کہ کیا واقعی قوم اس شکست پہ افسردہ ہے
مہر شرافت نے ردعمل دیا کہ جس ملک میں کرکٹ ٹیم کے چیئرمین کی تعیناتی،جھوٹے مقدمے بنانے،چار دیواری کا تقدس پامال کرنے اور ظلم و جبر کے سب ریکارڈز توڑنے پر ہوئی ہو اس ملک کی کرکٹ ٹیم کا یہی حال ہوتا ہے
سدرہ کنول نے طنز کیا کہ جب امریکہ والوں کو پتہ چلا کہ انکی ایک کرکٹ ٹیم بھی ہے اور اسنے پاکستان کو ہرا بھی دیا ہے
شاکراعوان نے طنز کیا کہ پاکستان کی ٹیم کو، ورلڈ کپ کے آخری میچ تک کچھ ناں کہا جائے، تنقید ناں کی جائے،،مورال بلند کریں،،محسن نقوی چیرمین پاکستان کرکٹ بورڈ کا ورلڈ،کپ شروع ہونے سے پہلے قوم سے کی گئی درخواست