چائے کی درآمدات میں جاری مالی سال کی پہلی سہ ماہی میں سالانہ بنیادوں پر32.30 فیصدکی نمو ریکارڈ کی گئی,پاکستان بیوروبرائے شماریات کے مطابق جاری مالی سال کی پہلی سہ ماہی میں چائے کی درآمدات پر 184.061 ملین ڈالرکازرمبادلہ صرف ہواجوگزشتہ مالی سال کی اسی مدت کے مقابلہ میں 32.30 فیصد زیادہ ہے۔
دوسری جانب پاکستان کی ٹیکسٹائل برآمدات میں سالانہ بنیادوں پر مسلسل کمی کو بریک لگ گئی ، 12 ماہ بعد اس میں اضافہ ریکارڈ کیا گیا۔
آل پاکستان ٹیکسٹائل ملز ایسوسی ایشن کے مطابق رواں سال اکتوبر میں سالانہ بنیادوں پر ٹیکسٹائل برآمدات میں 5 فیصد اضافہ ریکارڈ کیا گیا جو ایک ارب 43 کروڑ ڈالرز رہیں۔گزشتہ سال اکتوبر میں برآمدات کا حجم ایک ارب 36 کروڑ ڈالرز تھا۔
پاکستان بیوروبرائے شماریات اورسٹیٹ بینک کی جانب سے اس حوالہ سے جاری کردہ اعدادوشمارکے مطابق جاری مالی سال کی پہلی سہ ماہی میں چائے کی درآمدات پر184.061 ملین ڈالرکازرمبادلہ صرف ہواجوگزشتہ مالی سال کی اسی مدت کے مقابلہ میں 32.30 فیصدزیادہ ہے، گزشتہ مالی سال کی اسی مدت میں چائے کی درآمدات پر 139.11 ملین ڈالرکازرمبادلہ صرف ہواتھا۔
ستمبرمیں چائے کی درآمدات کاحجم 58.11 ملین ڈالرریکارڈکیاگیا جواگست میں 59.27 ملین ڈالراورگزشتہ سال ستمبرمیں 55.96 ملین ڈالرتھا، مالی سال 2023 میں چائے کی درآمدات پر495.36 ملین ڈالرکازرمبادلہ صرف ہوا تھا ۔ واضح رہے کہ پہلی سہ ماہی میں اشیائے خوراک کی مجموعی درآمدات کاحجم 1.696 ارب ڈالرریکارڈکیاگیاہے جوگزشتہ مالی سال کی اسی مدت میں 2.290 ارب ڈالرتھا.
- Featured Thumbs
- https://www.siasat.pk/data/files/s3/2teaimspspiaizajhs.png
