پنجاب پولیس کو 9 مئی کو خواتین پر تشدد سے متعلق بیان پر سینئر صحافیوں و اینکر پرسنز نے کھری کھری سنادی ہیں۔
تفصیلات کے مطابق پنجاب پولیس کی جانب سے ٹویٹر پر جاری بیان میں کہا گیا ہے کہ 9 مئی کے واقعات میں ملوث گرفتار خواتین کے ساتھ عزت واحترام کا سلوک کیا گیا ، ان خواتین سے بدسلوکی سے متعلق پھیلائی جانے والی خبریں من گھڑت اور بے بنیاد ہیں۔
پنجاب پولیس کو اس وضاحت پر صحافی برادری اور سوشل میڈیا صارفین کی جانب سے سخت ردعمل کا سامنا کرنا پڑا ہے، صارفین نے پولیس کی جانب سے خواتین پر بدترین تشدد کی تصاویر اور ویڈیوز جاری کرتےہوئے پنجاب پولیس کو آئینہ دکھادیا۔
طارق متین نے کہا کہ پولیس نے غیر آئینی ایکسپائرڈ سرکار کے ہاتھوں استعمال ہوکر خود کو عوام کی نظروں میں مزید گرالیا، سوشل میڈیا آپ کے کارناموں سے بھراپڑا ہے، انٹرنیٹ کے دور میں آپ لوگوں کے گھروں کو فتح کررہے ہیں اس سے صرف خوف اور نفرت پھیلتی ہے۔
جمیل فاروقی نے پولیس کی جانب سے خواتین کو بالوں سے پکڑنے اور گھسیٹنے کے مناظر شیئر کیےاور کہا کہ یہ فوٹیج ایتھوپیا کی ہے؟ اگر یہ پنجاب پولیس کے ہی اہلکار ہیں تو ان کے خلاف کیا کارروائی ہوئی؟ عزت واحترام کا مقصد معذور خواتین کو سڑک پر گھسیٹنا ہے؟
مریم نامی صارف نے سینئر صحافی و اینکر پرسن ماریہ میمن کا ایک کلپ شیئر کیا جس میں وہ پنجاب پولیس کی جانب سے خواتین پر بدترین تشدد اور مرد پولیس اہلکاروں کے ہاتھوں خواتین کی تذلیل کی مکمل تفصیلات بیان کررہی تھیں۔
رانا تنویر اختر نے کہا کہ آپ اپنے بیان میں کمنٹ باکس کھول دیں سچ اور جھوٹ سامنے آجائے گا۔
مینا خان نے بھی خواتین پر تشدد کے مناظر شیئر کیے اور کہا کہ کمنٹ باکس کھولیں تاکہ ہم آپ کو بتا سکیں کہ یہ 70 کی دہائی نہیں ہے، آج کی دنیا ایک ڈیجٹیل دنیا ہے، ہم آپ کو کمنٹ باکس میں درجنوں ویڈیوز سے آئینہ دکھاسکتے ہیں، جلاؤ گھیراؤ پولیس کی جانب سے کیا گیا۔
عبداللہ بابراعوان نے پولیس کے ہاتھوں خواتین پر تشدد کی ایک تصویر شیئر کی اور کہا کہ جھوٹوں اور ظالموں پر اللہ کی لعنت۔
زہرہ زیدی نامی صارف نے کہا کہ جو سرعام عورت کو بالوں سے پکڑ کے گھسیٹ رہے تھے، عثمان ڈار کی بوڑھی ماں کو ریپ کی دھمکی دے رہے تھے، معذور لڑکی کو گھسیٹ رہے تھے،سیالکوٹ کینٹ تھانہ میں چوری کی رپورٹ کرنے گئی خاتون کے ساتھ ایس ایچ او نے ریپ کر دیا، اپنی بکواس بند کرو۔
- Featured Thumbs
- https://www.siasat.pk/data/files/s3/5punjabpolicraction.jpg
