ہالینڈ کے معروف ادبی ادارے پوئٹری انٹرنیشنل نے اس سال کے " پوئیٹ ان ریزیڈنس" ایوارڈ کے لیے میرا انتخاب کیا ہے۔اس انتخاب کے لیے ایمنسٹی انٹرنیشنل نے میرا نام تجویز کیا تھا جسے میرے کام اور مشکلات کی تحقیق کے بعد منظور کیا گیا ہے۔اس سے پہلے یہ ایوارڈ پابلو نرودا اور جوزف بروڈسکی سمیت کئی بڑے ادیبوں کو دیا جا چکا ہے۔اس ایوارڈ کے لیے دنیا بھر سے کسی ایسے ادیب کو منتخب کیا جاتا ہے جس نے اپنے ادبی کام کی وجہ سے مشکلات اور مصائب جھیلے ہوں۔انشا اللہ حالات سازگار رہے تو ہالینڈ میں اپنے 52 روزہ قیام کے دوران انٹرنیشنل پوئٹری فیسٹول مختلف انٹرویوز ورکشاپس اور تقریبات کا حصہ بنوں گا۔
