96 گز کے پلاٹ پر 9 منزلہ بلڈنگ، عدالت نے عمارت گرانے کا حکم دیدیا

سندھ ہائی کورٹ نے 96 گز کے پلاٹ پر تعمیر 9 منزلہ عمارت کو مسمار کرنے کا حکم دیدیا ہے۔

تفصیلات کے مطابق سندھ ہائی کورٹ میں کراچی کے علاقے آگرہ تاج میں 96گز کے پلاٹ پر تعمیر 9 منزلہ عمار ت کے خلاف درخواست پر سماعت ہوئی، عدالت نے دوران درخواست الاٹیز کی جانب سے دائر درخواست مسترد کردی۔

عدالت نے بلڈنگ کے الاٹیز کے وکیل سے استفسار کیا کہ آپ نے اس بلڈنگ میں کس بنیاد پر فلیٹس خریدے، جب فلیٹس خریدے گئے تب دیکھ لیے جاتے، آپ کی درخواست مسترد کی جاتی ہے، درخواست گزار چاہیں تو معاوضے کیلئے الگ سے درخواست دائر کرسکتے ہیں۔

https://twitter.com/x/status/1714257453066715409
عدالت نے سندھ بلڈنگ کنٹرول اتھارٹی کو 2 ہفتوں میں عمارت کو مسمار کرنے کی ہدایات دیتے ہوئے آئندہ سماعت پر پیش رفت رپورٹ بھی طلب کی اور مزید سماعت 14 نومبر تک ملتوی کردی ہے۔

خیال رہے کہ 9 منزلہ عمارت کی تعمیر کے خلاف دائر درخواست میں موقف اپنایاگیا تھا کہ بلڈرز نے عدالتی حکم کے باوجود پوری عمارت کھڑی کردی، بلڈنگ کی تعمیر عدالتی چھٹیوں کے دوران کی گئی، بلڈرز نے ناصرف بلڈنگ کھڑی کی بلکہ اس میں بنائے گئے فلیٹس بھی فروخت کردیئے ہیں، عدالت بلڈنگ کو مسمار کرنے کا حکم دے۔

 

[Aliimran1]

Yeh corrupt Adaliya apnay kisi bhi Order ki implementation nahi karwa sakti​

 

[samisam]

اگر عدالت اچھا فیصلہ بھی کردے تو اس فیصلے پر عمل درآمد کرانے کی نا طاقت رکھتی ہے نا جرائت اس کے لئے چوہدری افتخار کو کریڈٹ تو جاتا ہے چاہے غلط فیصلے تھے یا درست اپنے فیصلوں پر عمل در آمد کرایا اور ثابت کیا کہ اگر چیف جسٹس میں ہمت ہو تو سب کچھ ممکن ہے

 

[Storm]

awam phir sahi ain ko deserve krte hy , apartments khareed bhe leyeain , 96 gaz pr 9 stories wah